(இ - ள்.) கருமணிவண்ணன் - மரகதமணி வண்ணனாகிய திவிட்டநம்பி, கணங்குழை
- வட்டமாகிய தோடணிந்த சுயம்பிரபாய், அஞ்சல் - அஞ்சாதே கொள், இவ்வுலகம்
எல்லாம் வணங்கி - இம்மண்ணுலகம் அனைத்தும் ஒருசேர வணங்கி, மகிழ்ந்து - உளம்
மகிழ்ந்து, கண் பருகும் நீர்மை - கண்ணாலே அள்ளிப்பருகும் தன்மையுடைய, அணங்கு
இவர் - அழகு மிகுகின்ற, சிறுவன் வந்து - மகன் ஒருவன் வந்து, உன் அணிவயிற்று
அகத்துப்பட்டான் - உன்னுடைய அழகிய வயிற்றிலே தங்குவானாயினான், என்று - என்று
அக்கனவின் பயனைக் கூறி, தேற்ற - தேவியைத் தெளிவிப்ப, பணம் குலாம் பரவை
அல்குல் - பாம்பின் படத்தை ஒத்த பரந்த அல்குற்றடத்தை யுடைய, பாவையும் -
சுயம்பிரபையும், பரிவுதீர்ந்தாள் - அச்சம்விட்டு மகிழ்வாளாயினள், (எ - று.)

     நங்கையின் கனாவினைக் கேட்டநம்பி அதன் பயன் கூறுவான், அணங்கிவர் சிறுவன்
வந்து உன் அணி வயிற்றுப் பட்டான் என்ன, நங்கை வருத்தம் நீங்கிமகிழ்ந்தாள், என்க.