(இ - ள்.) தெண்கதிர் திருமணி - தெளிந்த நிலாச்சுடருடைய அழகிய
வான்மணியாகிய திங்கள்மண்டிலம், கனவில் சேர்ந்த பின் - இவ்வாறு தன் கனவிலே
எய்தியதாய்க் கண்ட பின்னர் இளமுலை - சோதிமாலையின் இளமையுடைய முலைகளின்,
கண் கதிர்த்து - முகம் ஒளிபெற்று, கால் பணைத்தன - அடி பருத்தன, தண்கதிர் தமனியப்
பாவைபோல்வதோர் - தண்ணிய ஒளியையுடைய பொற்பதுமையைப் போன்றதொரு, ஒண்
கதிர் உருவம் திருமகள் எய்தினாள் - ஒள்ளிய சுடர் உடைய வடிவத்தை அத்திருமகளை
ஒத்த சோதிமாலை அடைந்தனள், (எ - று.)

     அக் கனாவினைக் கண்டபின்னர் முலை கண் கதிர்த்துத் தமனியப் பாவைபோல்
கருக்கொண்டு திகழ்ந்தாள் என்க,