:: TVU ::

பக்கம் : 1080

(இ - ள்.) ஐயன் தானும் - விசயனும், அவ்வகையாலே - யாம் முன்னர்க்கூறிய வகையால், வளர்வெய்த - வளரா நிற்ப, மாபெருந்தேவி - கோப்பெருந்தேவியாகிய சுயம்பிரபை, மகிழ்தூங்க - உலகம் மகிழும்படி, தெய்வம் பேணி பெற்றனர் - தெய்வத்தை வழிபட்டு அதனருளாலே எய்தியவர்கள், பேணும் - ஓம்புகின்ற, திருவே போல் - செல்வத்தைப் போன்று பெற்று ஓம்பாநின்ற, மையுண்கண்ணி - மை தீட்டப்பெற்ற கண்களையுடைய, மெய் இன் சோதி சூழ் - திருமேனி இயற்கையிலேயே இனிய ஒளியாலே சூழப்பெற்ற, ஒளி மின்னின் பெயராளும் - சோதிமாலை an்னும் பெயரையுடைய அப்பெண் மகளும், (எ - று.) பெயராளும் வளர்கின்றாள் என அடுத்த செய்யுளில் முடியும். பெயர் சோதிமாலை என்க. விசயன் அவ்வாறு வளர்வுழி பெருந்தேவி மகிழ்தூங்க திருவே போல் சோதிமாலையும் (வளர்கின்றாள்) என்க.
(616)

சோதிமாலை வளர்தற் சிறப்பு
1747.	தேதா வென்றே தேனொடு ¹வண்டு திசைபாடும் போதார் சாயற் பூங்கொடி போலப் பொலிவெய்தித் தாதார் கோதைத் தாயரொ டாயம் புடைசூழ மாதார் சாயன் மாமயி லன்னாள் வளர்கின்றாள்.
(இ - ள்.) தேனொடு வண்டு - தேனும் வண்டும், திசை - திக்குகளிலே, தே தா என்றே பாடும் - தேதா என்னும் வாய் பாடுபட இன்னிசை பாடாநின்ற, போது ஆர் - மலர் பொருந்திய சாயல் பூங்கொடிபோல - அழகிய பூங்கொடியைப் போல, பொலிவு எய்தி - அழகுபெற்று, தாது ஆர் கோதைத் தாயரொடு ஆயம் புடைசூழ - பூந்துகள் பொருந்திய மாலையணிந்த செவிலியரோடே விளையாட்டு மகளிர்களும் தன்னைச் சூழாநிற்ப, மாது ஆர் சாயல் மாமயில் அன்னாள் வளர்கின்றாள் - அழகு பொருந்திய தோற்றமுடைய சிறந்த மயிலை ஒத்த சோதிமாலையும், வளர்வாளாயினாள், (எ - று.) திசை - இசையுமாம், “எனக்கு வந்து தீயோர் திசைத்ததுமில்லைÓ (கம்பராமாயணம், கைகேசி சூழ்வினை.) தே தா என்றது இசையின் வாய்பாடு. தே தா என்று வண்டுகள் பாடும் பூங் கொம்புபோன்று அழகெய்தித் தாயரும் ஆயமும் புடைசூழ மயிலன்னாள் வளர்கின்றாள் என்க. மாது - அழகு, ஆயம் - விளையாட்டு மகளிர் குழு.
(617)


(பாடம்) 1 வண்டுந்.