:: TVU ::

பக்கம் : 1086

பாவை, சோர்ந்துநிற்ப, ஆட, ஆட, ஆட, ஆட, ஆடுகின்றாள் என்க.
(624)

1755.	கந்துகங்கள் கைத்தலத்தா லேறுண்டு பொங்கிக் ¹கருங்கண்ணுந் தாமுமுறக் கலந்தெழுந்த போழ்தின் வந்தனவுஞ் சென்றனவும் வானத்தின் மேலு மணிநிலத்து மீதுநெறி ²மறிகுவன வாகி ³அந்துகிலி னிடைத்தோயு மகலல்கு றீண்டு மணிமருங்கு சூழுமணி யார்வடமுந் தாக்கும் கொந்தவிழும் பூங்குழலுங் கோதைகளு மூழ்குங் குவளைவாட் ⁴கண்ணிவருங் குறிப்பறிய மாட்டாள்.
(இ - ள்.) கந்துகங்கள் கைத்தலத்தால் ஏறுண்டு பொங்கி - பந்துகள் சோதிமாலையின் கைகளால் புடைக்கப்பட்டு உயர்ந்து, கருங்கண்ணும் தாமும் உறக்கலந்து - சோதி மாலையின் கண்ணொளியும் தம்மொளியும் நன்கு பொருந்துமாறு கலப்புற்று, எழுந்த போழ்தின் - விசும்பிடை எழுந்தபொழுது, வந்தனவும் சென்றனவும் - மீண்டு வீழ்வனவும் உயர்ந்து செல்வனவும், வானத்தின் மேலும் மணி நிலத்தின்மீதும் - விசும்பினிடத்தும் அழகிய தரையின் மேலும், நெறி மறிகுவனவாகி - வழியே மீள்வனவாகி, அந்துகிலினிடைத் தோயும் - அவளுடைய அழகிய ஆடைமீது படுவன சில, அகல் அல்குல் தீண்டும் - அகன்ற அல்குலிடத்தைச் சில தொடும், அணிமருங்கு சூழும் மணியார்வடமும் தாக்கும் - அழகிய இடையைச் சுற்றிய மேகலை மணிவடத்தையும் புடைக்கும் சில, கொந்து அவிழும் பூங்குழலும் கோதைகளும் மூழ்கும் - கொத்தாய் மலருகின்ற மலர் சூட்டப்பெற்ற அளகக் கற்றையினூடும் மலர்மாலைகளினூடும் புகுந்து மறையும் சில, குவளை வாள் கண்ணி - நீலோற்பல மலரையம் வாளையும் போன்ற கண்களையுடைய சோதிமாலை, வரும் குறிப்பு அறிய மாட்டாள் - அப்பந்துகள் மீண்டுவருவதொரு குறிப்பினை உணரவியலாதவளாயினள், (எ - று.) பந்துகளின் மேல் தன் கண்ணொளி பாய்ந்து அவை கரியனவாதலின் அவை வருங் குறிப்பு அறிய வொண்ணாவாயின என்க.
(625)


(பாடம்) 1கருங்கண்ணும். 2 மறிவனவு மாகி. 3 அந்துகிலுந் தோயு 4 கண்கள்.