:: TVU ::

பக்கம் : 1087


1756.	நறுமாலை வந்தலைப்ப நன்மேனி ¹நோமா னங்காயிப் பந்தாட னன்றன்றா ²மென்பார் ³இறுமாலிம் மின்மருங்கு ⁴லென்பாவ மென்பார் இளமுலைமே லேர்வடம்வந் தூன்றுமா லென்பார் ⁵செறுமாலிங் கிவைகாணிற் றேவிதா னென்பார் செங்கண்மால் காணுமேற் சீறானோ வென்பார் பெறுமாறு தாயருந் தோழியரு நின்று பிணையனா டன்மேற் ⁶பன் மொழிமிழற்று கின்றார்.
(இ - ள்.) நறுமாலை வந்து அலைப்ப - நறுமணங்கமழும் மலர்மாலை மேலெழுந்து மீண்டும் வந்து மோதுதலாலே, நன்மேனி நோமால் - உன்னுடைய மெல்லிய திருமேனி வருந்துமே, நங்காய் இப்பந்தாடல் நன்று அன்றால் என்பார் - சோதிமாலாய்! உனக்கு இப்பந்து விளையாடல் நல்லதன்று அதனை ஒழிக என்று கூறுவர் சிலர், என் பாவம் இம் மின் மருங்கு இறுமால் என்பார் - இஃதென்னை! பாவம்! உனது இந்நுண்ணிடை முறியினும் முறியுமே! என்று கூறுவர் சிலர், இள முலைமேல் ஏர் வடம் வந்து ஊன்றுமால் என்பார் - அன்னாய்! உன் முற்றாத இம்முலைகளின் மேலே இவ்வன்மையுடைய அழகிய மணிவடங்கள் அழுந்தி நோகுமாறு செய்யுமே என்று கூறுவர் சிலர், இங்கு இவை காணில் தேவிதான் சீறுமால் என்பார் - இவ்விடத்தே இவ்வருத்தங்களைக் காண்பாள் ஆயில் சுயம்பிரபை சினங்கொள்வாள் என்று கூறுவர் சிலர், செங்கண்மால் காணுமேற் சீறானோ என்பார் - உன் தந்தையாகிய திவிட்டன் கண்டால் சினங் கொள்ளானோ என்பார் சிலர், பெறுமாறு - இவ்வண்ணம் அச்சோதிமாலை உளங்கொள்ளுமாற்றால், தாயரும் தோழியரும் - செவிலியரும் தோழி மார்களும், நின்று பிணையனாள் தன்மேல் பன்மொழி மிழற்றுகின்றார் - சோதி மாலையின் பக்கத்தே நின்று அவளைக் குறித்துப் பல்வேறு மொழிகளைப் பயில்வாரானார், (எ - று.) தாயரும் தோழியரும், பந்தாடல் நன்றன்றென்பாரும் என்பாவம் என்பாரும் ஊன்றும் என்பாரும் தேவி செறும் என்பாரும் நம்பி சீறுமென்பாரும் ஆகிப் பன்மொழி மிழற்றினர் என்க, இது சோதிமாலையின் மென்மைக் கிரங்கினமை கூறிற்று.
(626)


(பாடம்) 1 நோமானோமா. 2 லென்பார். 3 இறுமாலே. 4 லேபாவ. 5 செறுமா லிவைகாணிற். 6 பல மிழற்று.