வியர்வையைக் காயுமாறு செய்தலால் தானும் மணத்தினைப் பெற்ற தென்றற் காற்றானது
மீண்டும் மாளிகைகளிடத்திலே சென்று வீசுமாறு வெள்ளிலோத்திர மரங்கள் பொருந்திய
பொழிலிலே சென்று மேலும் மணப்பெருக்கையும் குளிர்ச்சியையும் பெறும் என்க.

     வெள்ளிலோத்திரம் என்பது மணமும் குளிர்ச்சியும் ஒருங்கமைந்த ஒருவகை மரம்.
 

     (இ - ள்.) ஆம்துணர் தமாலமும் - புதிதாக மலர்ந்த பூங்கொத்துக் களையுடைய
தமால மரங்களும்; அசோக பல்லவங்களும் - அசோக மரத்தின் தழைகளும்; துணர்த்த
சந்தனத் தழைத்தலை - பூங்கொத்துக்களை யுடையவாகிய சந்தனத்தழையின் மேல்; தடாயின - வளைந்து பொருந்தின. மாந்துணர்ப் பொதும்பர் வந்து வைக - மாமரங்களின்
பூங்கொத்துக்களோடு கூடிய கிளைச்செறிவு வந்து தம்மேல் தங்க; அது ஊன்றலால் -
அக்கிளைச் செறிவு அழுத்துதலால்; தேவதாரம் - தேவதார மரங்கள்; தேந்துணர் சுமந்து
ஒசிந்து அசைந்த - தமது தேனையுடைய பூங்கொத்துக்களுடனே அந்தச் சுமையையுந்
தாங்கித் துவண்டு மெலிந்தன. (எ - று.)

     தேவதார மரங்கள் மாங்கிளைச் செறிவு ஊன்றுதலாகிய செயற்கைப் பாரத்தின்
மிகுதியைத் தாங்கமாட்டாமல் துவண்டு மெலிந்தன என்பதாம். மாந்துணர் - மரப்பெயர்
முன்னர் இனமெல்லெழுத்து வரப்பெற்றது. பல்லவம் - தளிர். தமாலம் - பச்சிலைமரம்.

     (பாடம்) 1. வைகி. 2. தெய்வநாறு. 3. காந்தளும். 4. வார் மணற் பிறங்கன். 5. தந்நகர்க் காமனார்செய்.