(இ - ள்.) இருபுடைக் கிளைகளும் இன்னணம் விரவி - இருதிறத்துச் சுற்றமும்
இவ்வாறு தம்முட் குழீஇ, தெருவுடைத் திசைமுகம் தெளிப்பத் தேர்த்து -
தெருக்களையுடைய திசைகளின் பகுதிகள் விளங்கும்படி தேங்குதலானே, மருவுடை மகரம
நீர் வளாகம் - மகரமீன்கள் மருவி வாழ்தலுடைய கடல் சூழ்ந்த இந் நிலவுலகத்தின்மிசை,
வானவர் - தேவர்களுடைய, உருவுடை உலகம் வந்து - எழிலுடைய விண்ணுலகம் விரும்பி
வந்து, இழிந்தது ஒத்ததே - இறங்கியதை ஒத்துத் தோன்றியது
(எ - று.)

     தேர்த்து - தேங்கி; இதனைச் செயவெனெச்சமாக்குக.

     திவிட்டநம்பி அருக்ககீர்த்தியாகிய இரு பேரரசருடைய சுற்றமும் ஒன்று கூடித்
தேங்காநிற்ப வானவருலகம் இம்மண்ணுலகை விரும்பி வந்திறங்கியதை ஒத்துத் தோன்றிற்று
அக்காட்சி என்க.