| பக்கம் : 1107 | | | | | | 1792. | மழைபுரை மதத்த தாய மழகளி யானை தன்மேல்
வழைவளர் சோலை சேர்ந்த மணிவண்டு மறிவ வேபோல்
எழுதெழி லழகன் றன்மே லிளையவர் கருங்கண் வீழ்ந்து
1விழவயர் நகரின் வந்த வேந்தரை விட்ட வன்றே.
| (இ -ள்.) வழைவளர் சோலை சேர்ந்த - சுரபுன்னை மரங்கள் செழித்து வளர்ந்துள்ள
பொழிலினிடத்தே சேர்ந்த, மணிவண்டு - நீலமணி போன்ற வண்டுகள் அதனை ஒழித்து,
மழைபுரை மதத்த தாய மழ களி யானை தன்மேல் மறிவவே போல் - மழைபோன்று
மிக்குப் பொழியும் மதநீரையுடைய இளைமைத்தாகிய மதக்களிப்புடைய யானையின்பால்
மீண்டு வந்து மொய்த்தனவற்றை ஒப்ப, இளையவர் கருங்கண் - இள மகளிருடைய கரிய
கண்கள், விழவயர் நகரின் வந்த வேந்தரை விட்ட - சுயம்வர விழா நிகழ்கின்ற
மண்டபத்தே வந்த அரசர் கண்மேல் வீழ்வதைவிட் டொழிந்தனவாய், எழுது எழில்
அழகன் றன்மேல் வீழ்ந்த - ஓவியத்தே வரைதற்குரிய மிக்க அழகினையுடைய
அமிததேசன் மேல் வீழ்ந்தன, அன்றே ; அசை, (எ - று.)
ஏனைய வேந்தர் அழகு சோலைமலர் தரும் தேன்போன்று சிறுமையுடைத்தாய் ஒழிய
அமிததேசன் அழகு யானை மதம்போன்று மிக்குப் பொழிதலின் மகளிர் கண் அவற்றை
விட்டு இதன்பால் வீழ்ந்தன என்க. | | (662) | | | | நம்பி, | | 1793. | சோதிமாலையை அழைமின் எனல்
வரைசெறிந் தனைய செம்பொன்
மஞ்சங்கண் மலிரத் தோன்றி
அரைசர்க ளிருந்த போழ்தி
னாழியந் தடக்கை வேந்தன்
விரைசெறி குழலங் கூந்தன்
மெல்லியல் வருக வென்றான்
முரைசொலி கலந்த சங்கு
வயிரொடு முரன்ற வன்றே.
| (இ - ள்.) வரை செறிந்தனைய - மலைகள் நெருங்கினாற் போன்ற, செம்பொன்
மஞ்சங்கள் - செவ்விய பொன்னாலியன்ற இருக்கைகள், மலிரத் தோன்றி - விளங்கும்படி
அவற்றின்கண் ஏறி, அரைசர்கள் - மன்னர்கள்,
இருந்த போழ்தில் - இராநின்ற அமயத்தே, ஆழியம் தடக்கை வேந்தன் -
ஆழியையுடைய பெரிய கையயையுடைய மன்னனாகிய திவிட்டன், விரை | | |
| | (பாடம்) 1 விழையவர். | | |
|
|