இவ்வுலகமனைத்தும், ஒரு குடைக்கீழ் - தனது ஒரே குடை நீழலிலே, உறங்கக்
காத்த - இனிதே உறங்கும்படி காவல் செய்த, பாழித்தோள் பரதன்பின் இவன் - வலிய
தோள்களையுடைய பரதமன்னன் மரபினனாவான் இம்மன்னவன், இவனால் நிலமடந்தை
பரிவு தீர்ந்தாள் - இவனது ஆட்சி நன்மையானே நிலமகள் இன்னல் தீர்ந்து இனிதின்
வைகுவாளாயினள், (எ - று,)

     தனது ஒரே தேரை அலைகடலின் நடுவே ஓட்டிப் பகைவர்கள் கொடுத்த பொற்றேர்
முதலியவற்றைத் திறையாகப் பெற்று அவர் முறைமுறை இறைஞ்ச உலகெலாம்
ஒருகுடைக்கீழ் உறங்கக் காத்த பரதசக்கரவர்த்தியின் வழித்தோன்றல் இவனெனக் குல
நன்மை கூறினாள், என்க.