(இ - ள்.) சயமரம் அறைந்த நன்னாள் - சுயம்வரம் குறிக்கப்பட்டுக் கூறிய அந்த
நல்ல நாளிலே, தமனிய மஞ்சம் பாவி - பொற்கட்டில்களைச் சுயம்வர மாளிகையிற் பரப்பி, இயமரம் துவைப்ப - இசைக் கருவிகள் முழங்கும்படி, இகல் மன்னர் ஏறி இருந்த போழ்தில்
- போர் மன்னர்கள் அவற்றில் ஏறி வீற்றிருந்த அமயத்தே, பயமலை மன்னன் பாவைக்கு -
பயன் மிக்க மலைக்கு மன்னனாகிய அருக்க கீர்த்தியின் மகளாகிய சுதாரைக்கு, கயமலர்
நெடுங்கணாள் ஓர் காரிகை - குளத்தின் மலர்ந்த நீலோற்பல மலர் போன்ற நீண்ட
கண்களையுடையாள் ஒரு தோழி, அவரவர் பண்பு கூறிக் காட்டினாள் -
அவ்வவ்வரசர்களின் இயல்புகளை எடுத்து விளக்கிக் காட்டினாள், (எ - று.)

     சுயம்வரச் செய்தியை முரசறைந்து அறிவித்த நன்னாளிலே, மன்னர் பல்லிய முழங்க
மஞ்சம் ஏறி இருந்தனராக; நெடுங்கணாள் ஒருத்தி அவர் வரலாறு கூறிச் சுதாரைக்குக்
காட்டினாள் என்க.