(இ - ள்.) சந்தினால் தவிர்க்கலாமோ - அக்கூற்றவாசனைச் சந்து செய்தலாலே
உயிர்கொள்ளாதபடி ஒழித்தல் கூடுமோ, சார்பினால் ஒழிக்கலாமோ - அன்றி அவன்பால்
அடைக்கலம் புகும் ஆற்றாலே ஒழித்தல் கூடுமோ, பந்தியா முன்னம்தாமே - அவன்
நம்மைக் கட்டுதற்கு முன்னரே, பகைத்து இருந்து - அவனைப் பகைத்தே அவன் நம்மேல்
வாராதபடி அரண்செய்து கொண்டு இருந்து, உய்யலாமோ - அவன்பாற் றப்பி உய்தல்
கூடுமோ அன்றி, வெந்திறல் காலன் தன்னை - வெவ்விய ஆற்றலுடைய அம்மறலியை,
மேற்சென்று - போர்மேற் சென்று போர்செய்து, வெல்லலாமோ - வென்றொழித்தல்
கூடுமோ, யாங்கள் - யாம், உய்ந்து - அம்மறலிக்குத் தப்பி, உயிர் வாழும் உபாயம் -
உயிர்வாழ்வதற்குரிய உபாயத்தை ஆராய்ந்து, உரைமின் என்றான் - கூறுங்கோள் என்று
இயம்பினான், (எ - று.)

     சாம, பேத, தான, தண்டம் என்னும் உபாயங்களாலே அம் மறலிக்குத் தப்பி உயிர் வாழ்தல் கூடுமோ உரைமின் என்றான் என்க.