| பக்கம் : 1168 | | | | மேலும் அவ்வணிகர்கள், பொன்னாடையுடுத்துப், பொன்மலர்ப் பலி ஏந்தி,
யானைமேல் நிரைத்துத், தம் மகளிருடனே போந்தனர் என்க. | | (778) | | | | பயாபதி வேந்தன் யானைமேல் வருதல் | | 1879. | நகரமாங் கெழுந்தபி னரலுஞ் சங்கொடு
முகுரவாய் மணிமுர சதிரு மூரிநீர்
மகரமால் கருங்கடன் மருளுந் தானையான்
சிகரமால் யானைமேற் செல்வன் றோன்றினான்.
| (இ - ள்.) நகரம் ஆங்கு எழுந்தபின் - நகரத்தில் வாழும் மக்கள் அவ்வாறு
எழுந்தவுடனே, நரலும் சங்கொடு - முழங்குகின்ற சங்குகளுடனே, முகுரவாய் - கண்ணாடி
போன்ற வாயை யுடைய, மணிமுரசு அதிரும் - அழகிய முரசங்கள் முழங்கும், மூரிநீர் -
பெருகிய நீரையுடைய, மகரமால் கருங்கடல் - மகரமீன்கள் உலவுகின்ற பெரிய கருமையான
கடலைப்போலும், தானையான் - படையையுடைய பயாபதி வேந்தனாகிய, செல்வன் -
செல்வமிக்கோன், சிகரமால் யானை மேல் தோன்றினான் - மத்தக முடியையுடைய பெரிய
யானை மேலே வந்தான், (எ - று.)
முரச முழக்கும்தானை, கடல்போலும் தானை, என்று கூட்டுக.
நகரமக்கள் அவ்வாறு எழுந்தவுடன் தானையான், செல்வன் யானை மேற் றோன்றினான் என்க. | | (779) | | | | திவிட்டநம்பியின் வருகை | | 1880. | வேல்புரை கண்ணியர் கவரி வீசவெண்
பால்புரை பவழக்காற் குடையி னீழலான்
மால்புரை கருங்கடல் வளாகங் காவலன்
கால்புரை புரவியங் கடலுட் டோன்றினான்.
| (இ - ள்.) வேல் புரை கண்ணியர் - வேலை ஒத்த கண்களையுடைய மகளிர்கள்,
கவரிவீச - சாமரை யிரட்ட, பவழக்கால் - பவளத்தாலியன்ற காலையும், வெண்பால் புரை -
வெள்ளையான பால்போன்ற நிறத்தையும் உடைய, குடையின் நீழலான் - குடை நீழலையும்
உடையவனாய், மால்புரை - திருமாலை ஒத்த, கருங்கடல் வளாகம் காவலன் - கரிய
கடலாற் சூழப்பட்ட நிலவுலகத்தை ஓம்பும் திவிட்டமன்னனும், கால்புரை -
காற்றைப்போன்று விரைந்த செலவினையுடைய, புரவியம் கடலுள் தோன்றினான் - குதிரைப்
படையாகிய அழகிய கடலின் நடுவே தோன்றுவானாயினான், (எ - று.) | | |
| | | | |
|
|