| (இ - ள்.) கருமாலை வெவ்வினைகள் கால்தளர நூறி - உயிர்களைப் பிறப்பிலே
புகுத்தும் தன்மையவாகிய வெவ்விய இருவகைவினைகளையும் தளர்ந்தும்போம்படி
பொடிசெய்தொழித்து, கடையிலா ஒள்ஞானக் கதிர்
விரித்தாய் என்றும் - இறுதியில்லாத ஒள்ளிய அறிவாகிய சுடரைப் பரப்பினாய் என்று
கூறியும், அருமாலை நன்னெறியை முன் பயந்தாய் என்றும் - மேற்கோடலரிய ஒழுங்குபட்ட
நல்லொழுக்கத்திற்குரிய வழியை முன்னரே காட்டியருளினாய் என்று கூறியும், அடியேம் -
உன் திருவடிகட்கு அடிமையாகிய யாங்கள், அடிபரவும் ஆறு அறிவதல்லால் - உன்
திருவடிகளைத் தொழுதேத்தும் ஒரு வழி் மாத்திரையே அறிந்திருப்ப தல்லாமல்,
திருமாலே - திருமால் என்னும் திருப்பெயருடையோனே, திருவணங்கும் - திருமகள்
வணங்கா நின்ற, தேன் ஆரும் அரவிந்தம் ஏந்தும் சேவடியாய் - தேன் பொருந்திய
செந்தாமரை மலராலே தாங்கப்பெற்ற சிவந்த அடியிணையுடையோனே,
தேவாதிதேவ - தேவர்களுக்கும் தலைவனே, பெருமானே - எத்திறத்தார்க்கும்
பெரியானே, நின் பெருமை நன்கு உணரமாட்டாதார் - உன் சிறப்புக்களை நன்றாக
அறிந்துகொள்ள இயலாதவராய், பிணங்குவார் தம்மை - நீ வகுத்த நெறியோடு முரணி
ஒழுகுவாரை, பிணக்கு ஒழிக்கலாமே - அம்முரணை ஒழித்தல் எம்மானோர்க்கு
இயல்வதேயோ, |
(இ - ள்.) நீ ஒளியகி உலகுஆகி விரிந்தாய் என்கோ - நீயே ஒளியாகவும்
உலகங்களாகவும் பரவியுள்ளாய் என்பேனோ, அன்றி, நின்னொளியின் உள் உலகெலாம்
அடங்கிற்று என்கோ - நின்னியல்பான ஒளியினுள்ளே அநாதியாய உலகமுற்றும்
அடங்கியுள்ளது என்பேனா, அளி ஆர - உன் அருள் பொருந்தும்படி, நீ உலகம்
ஆள்கின்றாய் என்கோ - நீயே இவ்வுலகங்களை ஓம்புகின்றனை என்பேனோ அன்றி, அமர்
உலகுதான் நின்னது அடியடைந்தது என்கோ - நின்னைப் பெரிதும் விரும்புகின்ற
இவ்வுலகமே உன்னுடைய திருவடிப் பெருமையை உணர்ந்து |