:: TVU ::

பக்கம் : 1184


1908.	¹வானோர்த முலகுடைய மானீல வண்ணன் மகிழ்ந்திறைஞ்சு ²மாலையணி மணிமுடிமேல் ³வைகா ⁴ஊனாரு மறவாழி யோடைமால் யானை ⁵உடையான்ற னொளிமுடியின் மேலுரையோ நிற்கத் ⁶தேனாரு மரவிந்தஞ் சென்றேந்தும் போழ்து திருவடிகள் செந்தோடு தீண்டாவே யாகில் ⁷ஆனாவிம் மூவுலகு மாளுடைய பெம்மான் அடியுறுவா ⁸ரின்மைதா மறிவுண்ட தன்றே.
(இ - ள்.) வானோர் தம் உலகுடைய மால் - தேவருலகத்தை யுடையவனாகிய திருமாலாகிய, நீலவண்ணன் - நீலநிறமுடையவன், மகிழ்ந்து இறைஞ்சும் - மகிழ்ச்சியுடனே வணங்காநின்ற, மாலையணி மணிமுடிமேல் - மலர் மாலையணிந்த மணிகளையுடைய அவனது திருமுடியின்மேல், வைகா - பொருந்த மாட்டா, ஊனாரும் மறவாழி - பகைவர்ஊன் பொருந்திய மறத்தன்மையுடைய ஆழிப்படையையும், ஓடைமால் யானை - முக படாம் அணிந்த பெரிய யானையினையும், உடையான்றன் - உடையவனாகிய இந்திரனுடைய, ஒளிமுடியின் - ஒளியுடைய முடியின்மேல் (பொருந்துமோ எனில்), உரையோம் - யாம் அது கூறமாட்டோம் (கூறாமலே அமையும் என்றபடி), நிற்க அவ்வினா ஒழிக, தேன் ஆரும் அரவிந்தம் சென்று ஏந்தும் போழ்து - தேன்பொதுளிய தாமரை மலர்தான் சென்று அத்திருவடிகளைத் தாங்குமிடத்தும், திருவடிகள் செந்தோடு தீண்டாவே யாகில் - அருகபரமேட்டியினுடைய திருவடிகள் அத்தாமரையின் செவ்விய இதழ்களைத் தானும் பொருந்தமாட்டா எனின், இம் மூவுலகும் ஆனா ஆளுடைய பெம்மான் - கீழ் மேல் நடு என்னும் இம்மூன்று உலகங்களையும் ஒழிவின்றி ஆளுதலையுடைய பெரியோனாகிய அருகனுடைய, அடியுறுவார் இன்மைதான் - திருவடியைச் சென்று பொருந்தும் தகுதியுடையார் யாரும் இலர் என்னும், தன்மை அறிவுண்டது அன்றே - நம்மால் நன்கு அறியப்பட்ட தொன்றாயிருந்த தன்றோ, (எ - று.)
(798)

1909.	தேனருளி மந்தாரச் செந்தாமந் தாழ்ந்து திரளரைய செம்பவளம் வம்பாக வூன்றி வானருளி மாணிக்கச் செங்கதிர்கள் வீசி மதிமருட்டும் வெண்குடையோர் மூன்றுடைய வாமன்


(பாடம்) 1 வானோருலகுடைய. 2 மாலைமணி. 3 வைக. 4 ஊனார். 5 உடையானொ. 6 தேனாரரவிந்தம். 7 ஆனாலிம். 8 ரின்மையறிவுண்ட, ரிம்மையறி.