:: TVU ::

பக்கம் : 1214

எவ்வுயிர்கட்கும் செந்தண்மை பூண்டொழுகும் எம்மனோர்க்கே இத்துன்பங்கள் உணரற்பாலன என்பதாம். பிறர் உணர்வாராயின் அவர் உடனே துறவின்கட் செல்வர் என்றபடி.
(854)

1965.	வலிய முழங்கினு நாறினும் வட்கி நலியு ¹மிவையென நையு மொருபால் பலிபெறு தெய்வங்கண் மேலிட்டுப் பாற்றும் கலியவர் கையுட் கழியு மொருபால்.
(இ - ள்.) வலிய - தம்மின் வலிய விலங்குகள், முழங்கினும் - முழங்குதலைக் கேட்டவிடத்தும், நாறினும் - தோன்றுதலைக் கண்டவிடத்தும், வடகி - ஒளி குன்றி, இவை நலியும் என - இவ்விலங்குகள் நம்மைக் கொல்லுமே என்று, ஒருபால் - ஒருசார், நையும் - துன்புழக்கும், பலிபெறும் தெய்வங்கள் மேலிட்டு - உயிர்ப்பலிகொள்ளும் தெய்வங்களைத் தலைக்கீடாகக் கொண்டு, பாற்றும் - உயிர்போக்கும், கலியவர் - துன்பஞ் செய்வோருடைய, கையுட் கழியும் ஒருபால் - கைகளிலே அகப்பட்டிறந் தொழியும் ஒரு பக்கத்தே, (எ - று.) நாறுதல் - தோன்றுதல். இனி, நாறுதல் - மணம் வீசுதல் என்று கொண்டு, வலிய விலங்குகளின் நாற்றத்தை நுகர்ந்த விடத்தும் எனினுமாம். வலிய விலங்குகளானும் எளியன கொல்லப்படும்; தெய்வத்தின் மேலிட்டும் அறிவிலிகளாற் கொல்லப்படும் என்க.
(855)

1966.	கண்களி னோக்கியுங் காதலி னுள்ளியும் மண்க ளிடைவிட்டு வைகியும் புல்லியும் தண்கமழ் தார்மன்ன தாயர் வளர்ப்புழி எண்களை ²யின்றிட ரெய்து மொருபால்
(இ - ள்.) தண்கமழ்ந்தார் மன்ன - குளிர்ந்த மணம் கமழ்கின்ற மாலையணிந்த மன்னனே! தாயர் - தம்மையீனற தாய் விலங்குகள், கண்களில் நோக்கியும் - தம் கண்களாலே கூர்ந்து பார்த்தும், காதலின் உள்ளியும் - அன்புடனே நினைந்தும், மண்களிடைவிட்டு - நிலங்களிலே ஆடவிட்டு, வைகியும் - தாமும் உடனிருந்தும், புல்லியும் - தழுவியும், வளர்ப்புழி - வளர்க்கும் அவ்விளம் பருவத்தேயும், எண்களையின்று - எண்ணிறந்த, இடர் எய்தும் ஒருபால் - துன்பங்களை நுகர்வனவாம் ஒரு பக்கத்தே, (எ - று.)


(பாடம்) 1 மிவை யென்னினையு. 2 யில்லா விடருற வீழும். பிடருள் வீழும்.