(இ - ள்.) விண் அணங்க விழித்து - விண்ணவர்கள் வருந்தும்படி நோக்கி; விளங்கு
ஒளி - தன்மேனியில் விளங்குகின்ற ஒளியாலே; மண் அணங்கு உறவே வளர்வு எய்திய -
இம்மண்ணுலகத்தவர் வருந்துமாறு வளர்ச்சியடைகின்ற; பெண் அணங்கு இது - இந்தத்
தெய்வமாது; தோன்றிய பின் கொலோ - இவ்வுலகில் பிறந்த பிறகு தானோ; கண் -
எல்லோருடைய கண்ணும்; அணங்கு உறு காரிகை கண்டது - தாம் வருந்துதற்குக்
காரணமான அழகெனும் பொருளைக் கண்டது, (எ - று.)

     மேனியொளியும் அழகும் மிக்க இந்தச் சிறந்த பெண் தோன்றிய பின்புதானோ
கண்கள் தம்மை வருத்தும் அழகெனும் பொருளைக் கண்டனவென்றதனால், இதற்கு முன்பு
இவ்வளவு அழகு நிரம்பியவரெவரும் தோன்றினாரில்லை என்றதாயிற்று. இதுவரையிலும்
உலகத்தில் தோன்றிய மகளிர் எல்லோரினும் சுயம்பிரபை மிகுந்த பேரழகுடையவள் என்க.
 

     (இ - ள்.) நங்கை - சுயம்பிரபையை, கொங்கை போதருவான் - முலைகள்
வளர்தற்பொருட்டு; குமிழ்கின்றன - அரும்புகின்றவற்றின்மேல்; அங்கராகம் அணிந்ததை
அன்றியும் - நறுமணப்பொடிகள் பூசப்பட்ட செயலே அல்லாமலும்; நாகரிகப் பொறை -
நாகரிகங் கருதியிடப்பட்ட அணிகலச் சுமையும்; நாள் மது தங்கு வார் கொடியில்
தளர்வித்தது - புதிய தேன் தங்குதற்கிடமான நீண்ட பூங்கொடி தளருமாறு தளரச் செய்தது, (எ- று.)
 

     (பாடம்) 1. கண்ணணங்கு விழித்தது. 2. அணிந்தகையன்றியும்.3. நாகரிகம்பொறை.