(இ - ள்.) தீர்த்தங்கள் திறந்தவர்க்கு சிறப்போடு - தீர்த்தங்கரர்களுக்கு திருவிழாச்
செய்தலோடு, திசையெல்லாம் - திக்குகள் தோறும், தேர்த்து - கூடி, அங்கண் -
அவ்விடத்தே, ஒளிபரப்ப - தம் மொளியைப் பரப்புதற் பொருட்டும், செல்பொழுதும் -
செல்லும் பொழுதும், தார்த்தங்கு வரைமார்ப - மாலையணிந்த மலைபோலும்
தோளையுடைய மன்னனே, கார்த்தங்கு மயில் அனையார் - கார்காலத்தே மகிழ்ந்து
வதிகின்ற மயில் போலும் சாயலையுடைய மகளிரின், காமஞ்சேர் - காமவின்பம் எய்துதற்குக்
காரணமான, கனி கோட்டி - நெஞ்சத்தைக் கனிவிக்கின்ற கூட்டத்தை, தம் உருவின்
அகலார் -தம்முடைய உருவத்தினின்றும் அகற்ற மாட்டார், (எ - று.)

     தேவர்கள் இறைவன் பூசனை விழா முதலியவற்றைக் காணும் போதும் தம்
காதலிமாரைப்பிரியார் என்க.