(இ - ள்.) ஆங்கு அவர்மேல் அமரரசர் மும்மூவர்க்கு - அவ்வச்சுத உலகில்
வாழ்வார்க்கு உயர்ந்த அகமிந்திரலோகத்தின் ஒருபகுதியில் வாழும் அகமிந்திரதேவர்
ஒன்பது வகையார்க்கும் ஒரோ ஒன்றாய் - ஒவ்வொரு கடலாய் உயர்ந்து, ஓங்கினர் மேல்
ஒன்பதின்மர்க்கு - அவரினும் உயர்ந்த, நாவணு திசையில் வாழும் ஒன்பது வகையார்க்கு,
ஒன்று ஒன்றாய் உயர்ந்து - ஒவ்வொரு கடல் உயர்ந்து, அவர் மேலார் - அவரினும்
உயர்ந்தோராய், பஞ்சாநுத்தரத்தில் வாழும் தேவர்கட்கு, பாங்கின் உறப் பெருகுவன -
அவ்வெண்ணயலே கூடிப் பெருகும் வாழ்நாள், வாங்கு ஒலிநீர் - கடல், பதினைந்திற்கு
இருமடிமேல் ஒருமூன்று வாழ்வு என்ப - முப்பத்து மூன்று வாழ்நாள் எல்லை என்று
அறிஞர்கள் கூறுப, மணிமுடியாய் - மணியழுத்திய முடியை உடைய அரசனே, (எ - று.)

     வாங்கொலி நீர் என்றது, கடல் என்னும் பெயர்மாத்திரையாய் எண் குறித்து நின்றது.