(இ - ள்.) முரைசு அதிர்முழங்கு ஒலி மூரித் தானையும் - முரசங்கள் அதிர்ந்து
முழங்கு தலாலாகிய ஒலியையுடைய பெரிய படைகளையும், திரைசெறி வளாகமும் - கடல்
சூழ்ந்த நிலத்தையும், சிறுவர்க்கு ஈந்து போய் - தத்தம் மகாருக்கு வழங்கி விட்டுச் சென்று,
அரசரும் - ஏனைய மன்னர்களும் ஆயிரர் - ஓராயிரவர், அரைசர் கோனொடு - பயாபதி
வேந்தனோடே, விரைசெறி மணிமுடி - மலர் நிறைந்த மணிகள் அழுத்திய தத்தம்
முடிக்கலன்களை, விலங்க நீக்கினார் - அகலத் துறந்தனர், (எ - று.)

     விலங்க நீக்கினார் என்றது, புறத்தே நீக்குதன் மாத்திரையின்றி அகத்தேயும் பற்றறத்
துறந்தனர் என்பதாம். அரைசரும் - என்றதன் கண் உம்மை, இறந்தது தழீஇச் சிறப்பும்
குறித்து நின்றது.