| (இ - ள்.) மன்னிய முனிவன் வாயுள் - நல்லறிவு நிலைபெற்ற அந்தச் சமண
முனிவருடைய வாயினின்று, மணி கொழித்து அனைய ஆகி - கொழிக்கப்பட்ட
மணிகளைப்போன்று, பன்னிய பவங்கள் தீர்க்கும் - நூல்களிற் சொல்லிய
பிறப்புக்களையெல்லாம் ஒழிக்கும், பயம்கெழு மொழிகள் தம்மால் - நற்பயன்கள்
பொருந்திய மொழியினாலே, கல்நவில் கடகத்தோளான் - மலையென்று
சொல்லத்தக்கவையும் கடகம் என்னும் வளையை அணிந்தவையுமாகிய தோள்களையுடைய
சுவலனசடியரசன், காட்சி அம்கதிர்ப்புச் சென்றான் - உண்மைப் பொருளையுணர்தலாகிய
அழகிய ஒளிவந்தமையப் பெற்றான், பின் அவன் உரிமை தானும் - பிறகு அவ்வரசனின்
உரிமையானோர் கூட்டம், பெருவதம் மருவிற்று - பெரிய நோன்புகளை மேற்கொள்ள
விரும்பியது, அன்றே- அந்நாளிலேயே, (எ - று.) அன்றே - ஈற்றசை யெனினுமாம். நன்ஞானம், நற்காட்சி, நல்லொழுக்கம் என்ற மூன்றனுள்,
நன்ஞானத்தை அரசனுடன் சென்றவர்களும், நற்காட்சியை அரசனும், நல்லொழுக்கத்தை
அரசன் மனைவியர்களும் அடைந்தனர் என்க. வதம் - வ்ரதம் என்ற வடசொல்லின்
விகாரம். |