| (இ - ள்.) கண்ணிய கடாத்த வேழம் - பெருமையையுடைய மதம்பொருந்திய
யானையினது, கவுளினால் உரிஞப் பட்டும் - கன்னத்தினால் உராய்ந்து தேய்க்கப்பட்டும்,
தண்ணிய தன்மை நீங்கா - இனிய குணமானது கெடாத, சந்தனச் சாதிபோல - சந்தன
மரங்களைப் போல, புண்ணியக்கிழவர் - நல் வினைக்குரியவர்களாகிய அரசர்கள், கீழோர்
பிழைத்தன பொறுப்ப ஆயின் - அமைச்சர் முதலிய கீழானவர்கள் செய்த பிழைகளைப்
பொறுப்பார்களாயின், மண்இயல் வளாகம் எல்லாம் - மண்திணிந்தமைந்த உலகங்களிலுள்ள
உயிர்த்தொகைகளெல்லாம் வழிநின்று வணங்கும் - அவ்வரசன் வழிப்பட்டு நின்று
அவனைப் பணியும், (எ - று.) அன்றே; அசை. சந்தனமரங்கள் தேய்ப்புண்ட விடத்தும் சிறந்த மணத்தை வெளிப்படுத்தும். அதனால்
சந்தனத்தின் பெருமை வெளியாம். அதனைப் போல் அரசர்கள் சிறியோர்களுடைய
பிழைகளை, அஃதாவது இகழ்தல் முதலியவைகளைப் பொறுப்பார்களாயின்
உலகத்துயிர்களெல்லாம் அவர்கள் வழிப்பட்டு நிற்கும் என்க. |
| (இ - ள்.) நெடுங்கடல் - நீண்ட பெரிய கடலானது, நிறம் - தன்னுடைய
இயல்பானது, தலைமயங்க - மாறுபாட்டையடைய, வெம்பி - கொதித்து, சுடுவதாயின் -
வருத்துவதானால், இறந்து அலை மயங்கு நீர் வாழ் உயிர்க்கு - மிகுதியாக
அலைகள்பொருந்திய கடலிலே வாழுகின்ற மீன்முதலிய நீர்வாழ் உயிர்களின்,
இடர்-துன்பத்திற்கு, எல்லைஉண்டோ - ஓர் அளவு உண்டாகுமோ? மறம் - வலிமையானது,
தலைமயங்கு - மிகுதியாக |