(இ - ள்.) எரிதவழ்ந்து இலங்கும் வேலோய் - ஒளிமிகுந்து விளங்குகின்ற
வேற்படையை யுடையவனே, உரிதினின் - உரிமையாக, ஒருவன்செய்த ஊழ்வினை
உதயஞ்செய்து - ஒருவன் உரிமையிற்செய்த பழவினையானது இம்மையில் தோன்றி,
விரிதலின் - பெருக்கத்தை யடைதலால், அதனது உண்மை விளங்கினாற்போல -
அவ்வூழ்வினையின் மெய்ம்மையானது வெளிப்பட்டாற்போல, வேந்தர் கருதிய கருமச்சூழ்ச்ச
 - அரசர் செய்வதற் கெண்ணிய செயற்குரிய சூழ்ச்சியானது, பயத்தினால் கருதும் வண்ணம்
- காரியத்தின் பயனாலே வெளிப்படும்படி, எண்ணுவது எண்ணம் என்றான் - ஆராய்ந்து
துணிவதே சிறந்த ஆராய்ச்சியாவது என்று கூறினான். (எ - று.)

ஊழுண்மை விளைவின்கண் வெளிப்படுதல் போன்று சிறந்த சூழ்ச்சியின் சிறப்புப் பயனால்
வெளிப்படும். அங்ஙனம் பயன்தருமாறு ஆராய்தலே சிறந்த சூழச்சியாம் என்று சூழ்ச்சியின்
மாண்பு கூறினான்.

     (இ - ள்.) அஞ்சிநின்று அனலும் வேலோய் - கண்டோர் அஞ்சி நிற்கும்படி எரியும்
வேற்படையை யுடையவனே!; வெஞ்சொல் ஒன்று உரைக்கமாட்டா - கொடுஞ் சொல்
ஒன்றும் பேசுதலறியாத, சுடர்விடு விளங்கு பூணோய் - ஒளிவிட்டு விளங்குகின்ற
அணிகலன்களைத் தாக்கியவனே;, பஞ்சி நன்று ஊட்டப்பட்ட - காரரக்கையாதல்
செவ்வரக்கையாதல் குழம்புசெய்து பஞ்சாலே நன்றாகப் பூசப்பட்ட, மாதுளம் பருவ வித்தும்
- மாதுளமரத்தினது முதிர்ந்த விதைதானும், மஞ்சி நின்று - மழைவளம் நிற்றலாலே,
அகன்ற சாகை - விரிந்து தழைத்ததன் கிளைகளில் தோன்றும், மலரிடை - பூக்களிடத்தே,
வடிவு காட்டும் - தன்மேற் பூசப்பட்ட நிறத்தினை வெளிப்படுத்தாநிற்கும், சூழ்ச்சியும் -
அரசியலுக்குரிய சூழ்ச்சியும் அன்னது ஏ ஆல் - அத்தகையதொரு தன்மையதாம். (எ - று.)