யுடைய சுயம்பிரபை பிறப்பதற்கு முன்பு, நாம் ஆண்டது எல்லாம் - நாம் அரசாட்சிசெய்த
தெல்லாம், அவன் செற்று நலிதல் அஞ்சி - அம்மன்னவன் சினந்து வருத்துதலுக்கு அச்சங்
கொண்டு, திறைகொடுத்து - கப்பப்பொருள் கொடுத்து, அறிவித்தன்றே - யான்
அவனடிப்பட்டமையை அவனுக்குத் தெரிவித்தமையாலன்றோ? (எ - று.) நாமும் அந்த அச்சுவக்கிரீவனுக்கு அஞ்சித் திறை செலுத்தித் தான் வாழ்ந்திருந்தோம்
என்று அமைச்சன் அரசனுக்குக் கூறுகின்றான். |
| (இ - ள்.) ஆணைவேந்தே - அரசாட்சிக் கட்டளையைப் பிறப்பிக்கும் அரசனே!
ஈங்குநம் குலம்கொம்பு ஒப்பாள் பிறந்தபின் - இங்கு நம்முடைய குலத்தின்
கொழுந்துபோல்வாளாகிய சுயம்பிரபையானவள் பிறந்த பிறகு, இனியன் ஆகி - நமக்கு
இன்பத்தைச் செய்பவனாகி, தேங்கமழ் அலங்கல் வேலோன் - மணம் வெளிப்படுகிற
மாலையை அணிந்த வேற்படையை யுடைய - அச்சுவக்கிரீவன், திறைகொளல் ஒழிந்து
செல்லும் - கப்பங் கொள்வதை விட்டிருக்கிறான், ஆங்கு அவன் திறங்கள் எல்லாம்
அறிதியால் - ஆங்குள்ள அவன் செய்திகளை யெல்லாம் நன்கு உணர்ந்து கொள் வாயாக,
தீங்கு யான் உணர்த்திற்று உண்டோ - யான் கூறியவைகளில் பொய் ஏதேனும்
தெரியப்படுத்தியதுண்டோ, திருவடி தெளிக என்றான் - திருவடி களையுடைய பெரியீர்!
உணர்ந்தருள்க என்று கூறினான், (எ - று.) |