அரசன் இரத்தின கண்டனை ஒருவாறு ஒத்துக்கொண்டு மேலும் தகுதி உரையாரையெல்லாம்
கூறுக என அமைச்சன் வேறு மனனர் மக்களின் இயல்பையும் அவர் ஆளும்
நகரங்களையும் மன்னனுக்கு எடுத்துக் கூறினான் என்க.

     (இ - ள்.) கொய்யா விம்மும் கொங்கலர் தாரோய் - கொய்து தொடுக்கப்பெற்று
மணம் வீசும் மலர்மாலையை அணிந்தவனே!. மையார் சென்னி மால்வரையாளும் -
முகில்கள் படியப்பெற்ற முடிகளைக் கொண்ட பெரிய மலைகளை அரசாட்சி செய்யும்,
வயமொய்ம்பில் - மிகுந்த வலிமையினையும், கையார் எஃகில் காளைகள் தம்முள் -
கையில் வேற்படையையுமுடைய இளைஞர்களுக்குள், கமழ் கோதை மெய்யாமேவும் -
மணம் வீசும் மாலையை யணிந்த சுயம்பிரபை வாய்மையாகக் காதலித்தற் குரிய;
மேதகுவானை - சிறப்பமைந்தவனை, மிக எண்ணி - மிகவும் ஆராய்ந்து முடிவு செய்துஇ
கொடு என்றான் - கொடுப்பாயாக என்று கூறினான். (எ - று.)

இது சடிமன்னன் பவச்சுதனுக்குக் கூறியது. கோதை - சுயம்பிரபை. மெய்யா - மெய்யாக. மே - மேன்மை. தாரோய் என்றது பவச்சுதனை விளித்தது.

(பாடம்) 1. கொய்யார் விம்மும்; 2. கோடென்றான்.