| (இ - ள்.) கார்விரி தடக்கை வேந்தே - இரவலர்க்குக் கொடை யளிப்பதிலே
கார்காலத்து முகிலினது தன்மையானது அமையப்பெற்ற பெரிய கையையுடைய அரசனே!,
வார் அணி முரசம் ஆர்ப்ப - வாரால் வரிந்து கட்டப்பெற்ற அழகிய முரசம் ஒலிக்கவும்,
வயிரொடு வளைகள் ஏங்க - ஊதுகொம்புகளோடு சங்குகள் இசைக்கவும், தாரவர்
குழாங்கள் ஈண்ட - மாலையை அணிந்த அரசர் கூட்டங்கள் நெருங்கவும், சயமரம்
அறைது மேனும் - தானே மணாளனைத் தேர்ந்தெடுத்துக் கொள்வதாகிய சுயம்வரத்திற்கு
ஆவனசெய்து அறிவிப்போமானாலும், ஆர் அவிர் ஆழியானை - நிறைந்த ஒளிவீசும்
உருளைப் படையையுடையவனாகிய அச்சுவகண்டனை, அஞ்சுதும் -
அஞ்சிக்கொண்டிருத்தல் வேண்டும். கழலவர் கருமம் - வீரக்கழலையணிந்த மற்றைய
அரசர்களுடைய செயலை, அறியலாகா என்றான் - நாம் உணர்ந்து கொள்ளுதல் இயலாது
என்று கூறினான் (எ - று.) சுயம்பிரபை தானே மணாளனைத் தேர்ந்தெடுத்துக்கொள்ளும் சுயம்வரச் செய்தியை
அறிவிப்போமாயினும் அதனாலும் தீமை நேரிடும்; அச்சுவகண்டனும் பகையாக முடிவன்.
மற்றைய அரசர்களும் தீமை புரியத் தொடங்குவர் என்கிறான் அமைச்சன், |
| (இ - ள்.) ஒன்றுநாங் கருதிச் சூழின் - ஒரு செய்கையை நாம் நன்றாக எண்ணித்
தொடங்குவோமானாலும், ஊழது விளைவு - அச் செய்கையின் முறைமையமைந்த
நிகழ்ச்சியானது, தானே கன்றி - தானாகவே தோன்றி முதிர்ந்து, நாங்கருதிற்று இன்றி -
நாம் நினைத்தபடி நடவாமல், |