| (இ - ள்.) திருஅமர் - திருமகள் விரும்பி யுறையும், சுரமைநாடு அணிந்து -
சுரமைநாட்டை அழகுசெய்து, செம்பொனால் பொருவு அருபோதனம் உடைய - செம்பொன்
மாளிகைகளாலே தனக்கு வேறொரு நகரும் இணையில்லாததாக விளங்கும் போதனமா
நகரத்தினை உரிமையாக வுடையவனும், பூங்கழல் - அழகிய வீரக்கழலை யணிந்தவனும்,
செருஅமர் தோளினான் - போரைவிரும்புந் தோள்களையுடையவனுமாகிய பயாபதி
மன்னனின், சிறுவராகிய இருவருள் - மக்களாகத் தோன்றிய இரண்டு பெயர்களுக்குள்ளே,
இளையவன் ஈண்டு அந்நம்பியே - இளையவனாகிய திவிட்டன் என்பவன் இங்கு
சொல்லப்பெறுகிற அக்குரிசிலேயாவன் (எ - று.)
இருவர் - விசயனும் திவிட்டனும். |
| (இ - ள்.) கான்உடை விரி திரை வையம் காக்கிய - காடு களையுடையதும்
கடலாலே சூழப்பெற்றதுமாகிய உலகத்தைப் புரத்தற் பொருட்டு, மானுட உடம்பினால்
மறைந்துவந்த - மக்கள் யாக்கையைக்கொண்டு தேவ வடிவந்தோன்றாமல்வந்த, அத்
தேனுடை அலங்கலான் தெய்வமார்பகம் - தேன் பொருந்திய மாலையினையுடைய
அந்தத்திவிட்டனின் தெய்வத்தன்மை பொருந்திய மார்பிடத்தை, தையல் தான் அடைந்து
அமர்வதற்கு உரியள் - சுயம்பிரபையானவள் சேர்ந்து பொருந்துவதற்கு உரிமையை
உடையவள் ஆவள் (எ - று.) |