அச்சுவக்கிரீவனை அடுவான் என்னும் இச்செய்தியை அங்கத நிமித்திகன் பயாபதி
மன்னனிடம் கூறவில்லை.

     (இ - ள்.) ஆங்கவன் மொழிந்தபின் அடங்கலரை அட்டான் - அப்பொழுது
அங்கதப் புரோகிதன் அவ்வாறு சொன்ன பிறகு பகைவர்களையழித்த பயாபதி மன்னன்
ஆனவன், தேம் கமழ் பொழில் - தேன்மணம் வீசுகின்ற இந்தச் சோலையில், திகழ்
சிலாதலம் இது ஆக்கி - விளங்குகின்ற நிலாவட்டக்கல் இதனைச் செய்து, ஈங்கு அவன்
இழிந்தபின் - இவ்விடத்திலே அந்த விஞ்சையர் தூதுவன் வந்து இறங்கிய பிற்பாடு, எழுந்து
எதிர்கொள் என்ன - நீயெழுந்து அவனை எதிர்கொள்வாயாக என்றுகூறி எனக்குக்
கட்டளையிட்டுள்ளதனால், நீங்கலன் இருந்தனன் - நான் இவ்விடத்தைவிட்டு நீங்காதவனாக
இருந்தேன், நெடுந்தகை - பெருமைக்குணமுடையவனே!, இது என்றான் - இந்த
நிலாநிழற்கல்வந்த வரலாறு இதுவாகும் என்று கூறினான், (எ - று.)

இச்செய்யுளால் துருமகாந்தன் நிலாவட்டக்கல் அமைக்கப்பட்ட காரணத்தைக் கூறிமுடித்தான்.

(பாடம்) 1. ஈங்கிவன். 2. நீங்கலின். 3. தகைய தென்றான். 4. சிரமம்.