(இ - ள்.) மைந்தர்கள் - ஆடவர்கள், நெய அலர் குழல் தொகை -
நெய்யணிதலாலே மிகச் சிறந்து விளங்குகிற கூந்தல் தொகுதியானது, நெருப்பின் அடும்
என்பார் - தீயைப்போலச் சுடுகின்றது என்றுகூறுவார்கள், மைஅலர் நெடுங்கண் இவை -
மையணிதலாலே மலர்ந்துள்ள நீண்ட கண்களாகிய இவை கொலைவல்ல என்பார் -
ஆடவர்களைக் கொலைபுரிதலிலே சிறந்தவைகள் என்று கூறுவார்கள், தொய்யில் இள
மென் முலையில் - தொய்யில் எழுதப்பெற்றவையும் இளமையையுடையவையுமாகிய
மெல்லிய கொங்கைகளால், நீர் சுடுதிராயின் - நீவிர் எங்களைச் சுட்டு வருத்துவீர்களானால்,
உய்யலம் எனத்தொழுது உடைந்தார் - நாங்கள் உயிர்வாழமாட்டோம் என்றுகூறி வணங்கி
வருந்தினார்கள், (எ - று.)

     (இ - ள்.) நாம நூல் கலை - இன்ப நூல் என்னும் பெயரையுடைய நூலாகிய
கலையிடத்தே கூறப்பட்ட, விச்சையின் நன்னெறி - வித்தைகளின் நல்லவழியாகிய,
இவைதாம் - இவைகளே, தாமம்நீள்குழல் - மலர்மாலை யணிந்த நீண்ட கூந்தலோடே,
தளர் நடையுருவு - தளர்ந்த நடையினை யுடைய மகளிர் வடிவத்தை, கொண்டனையார் -
கொண்டாற்போன்றவராகிய, வாமமேகலை - அழகிய மேகலை அணிகலன் அணிந்த,
மடவரலிவர்களை

(பாடம்) 1. வளத்தார்.