(இ - ள்.) புண்ணியக்கிழவன் - நல்வினைக்கு உரிமையுடையவனாகிய அந்த
வாகுவலி மன்னன், விண்உயர் விளங்கு கோட்டு - வானிலே உயர்ந்து விளங்குகின்ற
முடிகளையுடையதும் விடுசுடர் விளங்கமாட்டா - உலகத்திற்கு ஒளியைக் கொடுக்கிற
ஞாயிறு திங்கள் விண்மீன் ஆகியவைகள் தன் னொளிக்கு முன்னே விளங்கமாட்டாததும்,
கண்உயர் கதலி வேலி - கண்ணுக்கு உயர்ந்து தோன்றுகிற கதலிவனத்தை
வேலியாகவுடையதும், கார் - முகில் தவழப்பட்டதுமாகிய, கயிலாய நெற்றி -
கயிலாயமலையின் முடிக்கு, போகி - போய், பொலம் கலம்புலம்ப நீக்கி - பொன்னினால்
இயன்ற அணிகலன்கள் ஒலிக்குமாறு களைந்து அகற்றிவிட்டு, திண்ணிய தியானம் செந்தீ -
உறுதியாகிய தவத்தினால் ஆன செவ்விய தீயின், செஞ்சுடர் திகழநின்றான்-செந்நிறஒளி
விளங்குமாறு தவத்திலே ஊன்றியிருந்தான், (எ-று.)

வாகுவலிமன்னன் கைலாயமலையின் முடிக்குச்சென்று அணிகலன் களை அகற்றிவிட்டுத்
தவத்தினால் ஒளியுண்டாகுமாறு அமைந்து நின்றான், நல்வினையில் மிகுதியாக
ஈடுபட்டிருந்தமையின் வாகுவலி, ‘புண்ணியக் கிழவன்‘ என்னப்பெற்றான்,

      (இ - ள்.) பூமிநாதன் - நிலவுலகத்திற்கு அரசனாயிருந்த வாகுவலியின், கழல்
அணிந்து இலங்கு பாதம் - பண்டு வீரக் கழலை அணிந்து விளங்கிய அடிகளிலே,
கருங்கண் புற்றத்து - கருநிறமாகத் தோன்றும் தொளைகளைக் கொண்ட புற்றுக்களில்,
அழல் அணிந்து எழுந்த - தீயை அணிந்துகொண்டு புற்றுக்களில், சீறி எழா நின்ற, ஐவாய்
- ஐந்து வாய்களையும், அருமணி கிடைத்தற்கரிய மாணிக்கங்களையும் உடைய, ஆடும்
நாகம் - படமெடுத்தாடும் தன்மையுள்ள நாகப்பாம்புகள், கலந்த - சுற்றிக்கொண்டு

(பாடம்) 1. திலங்கும். 2. புற்றுத்.