(இ - ள்.) மகிழ்ச்சியுள் மதி மைந்துறும்போது - தனது மனத்தின்கண் ணிறைந்த
மகிழ்ச்சி காரணமாக அறிவு வலியுறும்பொழுது, இகழ்ச்சியிற் கெடுவார்களை எண்ணுக என
- முற்காலத்து அங்ஙனம் மைந்துற்றதனாலாய சோர்வால் உலகில் கெட்டுப் போனவர்களை
எண்ணிப் பார்த்திடுக என்று, புகழ்ச்சி நூலுள் புகன்றனர் - புகழப்படுகின்ற மெய்ந்நூலில்
சான்றோர் கூறிவைத்துள்ளனர், பூவினுள் - உலகினுள்ளே, திகழ்ச்சி செல் - புகழ் பரவிய,
பொன் மணிமுடி மன்னனே! - பொன்னாலும் மணியாலும் புனைந்த மோலியையுடைய
வேந்தனே!, ( )

     புகழ்ச்சி நூல் - திருக்குறள். அதன்கட் புகன்றதாவது:

     “இகழ்ச்சியிற் கெட்டாரை யுள்ளுக தாந்தம்
     மகிழ்ச்சியின் மைந்துறும் போழ்து“ (539)
    
     என்பது. இச் செய்யுளில் திருக்குறள் ஒன்றினை முழுதாகப் பெய்து அம் மெய்ந்நூலையும் புகழ்ச்சி நூலெனத் தேவர் புகழ்தல் காண்க.
 

     (இ - ள்.) செம்பொன் முடி மன்ன - செம்பொன்னாலாகிய முடியை யுடைய
வேந்தனே!, நெறியில் நீதிக்கண் நேரிவை - அரசியல் நடத்தும் வழியினும், அவர்க்கோதிய
நீதியினும் நேர்மையாய் இவற்றையும், ஒப்பவும் நீ அறிவை - இன்னோரன்ன பிறவற்றையும்
நீயே நன்கு அறிந்துள்ளாய், அவைநிற்க - ஆதலின் நினக்கு மிகைபட யான்கூறிய
வாசகங்கள் அமைக, நீ அழன்று செறுதியேனும் - மன்னனே நீ என்னை (மிகைபடப்
பேசினான் என்று) மனங்கொதித்துச் சீறுவாய் எனினும், ஓர் உறுதி - (உடன்பால் யான்
வைத்த அன்புடைமையால்) உனக்கு உறுதி பயப்பதொரு செய்தி, யான் உரைப்பான்
உறுகின்றது - யான் கூறும்படி நேர்கின்றது. (எ - று.)

     (பாடம்) 1. திகழ்ச்சி செம்பொன், மகிழ்ச்சி செம்பொன். 2. மற்றிவை. 3. ஏற்பவும்.