| அப் போதன நகரத்தில் மகளிர்கள், தம் கணவரைப் புணரும் பொழுது தாமே அறுந்து
வீழ்ந்த அணிகலன்களையும் ஊடுங்கால் தாம் அறுத்துதிர்த்த அணிகளையும், வீதிகளிலே
எறிந்து விடுதலால்; அவை அவ்வழிகளைத் தடைசெய்வன வாயின என்னும் இதனால்
அந்நகரத்தின் செல்வ மிகுதி உணர்த்தப்ட்டது. மூடுதற்றொழிலாலே எல்லாத் தெருக்களும்
தம்முள் ஒப்பனவாயின என்க.
|
| (இ - ள்.) மூரிநடை களியானை மதத்தினொடு - பெருமை தங்கிய நடையையும்
களிப்பையும் உடைய யானைகளின் மத நீரோடு, ஏரின் - அழகினையுடைய, நடைக்கலிமா
விலாழியும் - நடையமைந்த குதிரைகளின் வாய் நுரையும், ஓரி - தத்தம்
படுக்கையிடங்களிலே, உகுத்த பெருங்கடை - சிந்தப்பட்ட பெரிய முன்றில்கள், வேரி
வெறிக்களம் - மணமுடைய வெறியாடு களங்களை, ஒப்பது கண்டார் - ஒத்திருத்தலைக்
கண்டு போயினர், (எ - று.)
மூரி - பெருமை. யானைநடை கண்ணியமானது ஆகலின் மூரிநடை என்றார். ஏரின் -
அழகினையுடைய. கலிமா - குதிரை; தம் : அசை. விலாழி - வாய்நுரை. ஓரி - விலங்கின்
படுக்கை. பெருங்கடை - பெரிய முன்றில். வேரி - மணம்.
வேன்மகன் முருகனுக்கு வெறியாடும் விழாக்களத்தே தெய்வமுற்று ஆடுவோர்
பூமாலைகளை யாண்டும் வீசுதலால் அக் களமெங்கும் அம்மாலைத் துணுக்குகள் கிடப்பன
போன்று. குதிரை விலாழியும் யானைமதமுத் சிந்திக்கிடக்கும் முன்றில்கள் தோன்றுகின்றன
என்க.
|