| எழுதி விடுத்த திறைப்பொருளை அவர்க்கு அஞ்சிக் கொடுத்து உயிர் வாழ்தலை
விரும்பி இருந்து, வாழ்வதேல் - வாழ்கின்ற வாழ்வே ஆகுமாயின், பெரிது அழகிது -
இவ்வாழ்க்கை மிகவும் அழகுடைத்து, (எ-று.)
உழுதுஇறை செலுத்தி உண்டு வழிமொழிந்து வாழும் எளிய உழவர் வாழ்க்கைபோன்று,
பகைமன்னர் எழுதிவிடுத்த திறைப் பொருளை நல்கி அஞ்சியிருந்து வாழும் அரச
வாழ்க்கை, மிக நன்றென்றான் என்க.
|
| (இ - ள்.) மயரி மாந்தர்காள் - மதிமயக்கமுடைய தூதர்களே ! நாளின் -
வரையறுக்கப்பட்ட காலத்தே, நுமக்கு - உங்களுக்கு, உந்திறை உவப்பத் தந்து -
உமக்குரித்தாகிய திறைப் பொருளை நீவிர் மகிழும் அளவிற்றாகக் கொடுத்து, நாடாளுதும் -
உங்கள் அருள் உண்மையால் அதுபற்றுக் கோடாகக்கொண்டு நாட்டை ஆள்வோம்,
அன்றெனில் - அங்ஙனமல்லா தொழியின், ஒழிதுமேல் - அரசியலிழுந்து அழிந்து
ஒழிவோமாயின், எமதோளினும் - எம்முடைய மலையெனத் திரண்ட தோள்களாலும், தொடு
கழல் வலியினாலும் - கழல்கட்டிய எம் தாள்களின் ஆற்றலானும், இவ்வாளினும் - இதோ
என் கையகத்ததாகிய இக் கூர்வாளாலும, பயன்எனை - பயன் வேறென்னாம், (எ - று.)
மயரிமாந்தர்காள், என்றது அச்சுவகண்டனை உளப்படுத்தித் தூதரை விளித்த தென்க.
மாந்தர்காள் நீயிர் உவப்பத் திறைகொடுத்தால் வாழ்தும், அன்றெனில் ஒழிதும் எனில்,
எம்தோளானும், வலியானும், வாளானும் பயன் என்னாம்.
|