எழுகின்ற இளமென் கொங்கை - எழுச்சியையுடைய இளைமையுடைய மெல்லிய
முலைகளையும், அங்கொண்டை கார் இருங்குழல் - அழகிய கொண்டையாகப் புனையப்
பெற்ற கரிய பெரிய கூந்தலையும், கதிர்நகை கனகப் பைம்பூண் - சுடரால் திகழ்கின்ற
பொன்னாலாகிய பசிய அணிகலன்களையும் உடைய, நீரர மகளிர் கண்டாய் - நீரர
மகளிர்கள் ஆவார் என அறிதி, (எ - று.)
 

      (இ - ள்.) மேகம் மேல் தவழ்ந்து - முகில்கள் உச்சியில் தவழப்பெற்று, வேய்கள்
மிடைந்து - மூங்கிற் புதர்கள் செறிந்து - கீழ் இருண்ட தாழ்வர் - கீழே இருண்டு கிடக்கும்
தாழ்வரை யிடங்களையுடைத்தாய, ஏகமா மலையின் நெற்றி - ஒன்றாய் உயர்ந்து தோன்றும்
அப்பெரிய, மலையின் உச்சியிலுள்ள, இருஞ்சுனைத் தடங்கள் எல்லாம் - பெரிய
சுனைகளில் எல்லாம், நாகமா மகளிர் என்னும் நங்கையர் - வரையர மகளிர்கள் என்று
கூறப்படும் மகளிர்கள், குடைய - நீராடுதலாலே, பொங்கி - அச்சுனைநீர் பெருகி, மாகமேல்
தரங்கம் வீசி - வானுலகத்தின் மிசை அலையெறிந்து, மணிஅறை கழுவும் அன்றே-
ஆண்டுள்ள மாணிக்கக் கற்பாறைகளைக்கழுவும், (எ - று.)

     மலையின் உச்சியில் அமைந்த பெரிய சுனைகளிலே வரையரமகளிர் குடைந்து
விளையாடுதலாலே அவை பொங்கி அருவியாய் வந்து மணிப் பாறையைக் கழுவும் என்க.
நாகமாமகளிர். வானவர் மகளிருமாம்.
 

     (இ - ள்.) ஆவிவீற்றிருந்த காதல் அவரொடு - தம் உயிரின்கண்
வீற்றிருந்தாற்போன்ற ஆழ்ந்த காதலரொடு, கவரிவேய்ந்து - கவரிமாவின்
மயிர்க்கற்றையைச்சூடி, நாவிவீற்றிருந்து நாறும் நளிர்வரை - கத்தூரி இடையறவின்றி
மணக்கும், செறிந்த மூங்கில்களையுடைய, சிலம்பின் மேயார்
 

     (பாடம்) 1. குடைந்து. 2. மேலார். 3. பாவுவீற். 4. அமிழ்தினால்.