(இ - ள்.) மன்னுயிர் வருத்தம் கண்டும் - பிறவுயிர்கள் இன்னல் எய்துதைக்
கண்கூடாகக் கண்டுவைத்தும், வாழ்வதே வலிக்குமாயின் - அவ்வருத்தம் போக்க
நினையாமல் தன் வாழ்க்கையைப் பேணுவதையே உறுதியாகக் கொள்வான் ஒருவன்
உளனாயின், அன்னவன் ஆண்மையாவது - அப்படிப்பட்டவன் பெற்றுள்ள ஆண்மைத்
தன்மை, அலிபெற்ற அழகு போலாம் - பேடி பெற்றுள்ள அழகை ஒப்பதாம், “என்னை
யான் கொடுத்தும் - என்னுடைய ஆருயிரையும் கொடுத்து, வையத்து இடுக்கண் நோய்
கெடுப்பன் என்னும் - உலகில் இடையூற்றால் நிகழும் துன்பத்தைப் போக்குவல்“ என்னும்
மேற்கோளையுடைய, நின்னையேபோலும் நீரார் - உன்னை ஒத்த தன்மையுடையார்தாம்,
நிலமிசை நிலவி நின்றார் - இவ்வுலகத்தின்கண் இறவாது நிலைத்து நிற்கின்ற பெரியோர்,
(எ - று.)

     இறவாது நிலைத்துநிற்றல் - புகழுடம்பான் அழிவின்றி நிற்றல்.

     அங்ஙனம் நிலைத்து நிற்றலைச் சிபி முதலியோரிடத்துக் காண்க. பிறவுயிர்
துன்புறுங்கால் எமக்கென்னென் றிருப்போர் ஆண்மை பேடியின் அழகை ஒக்கும்.
நின்போல், உயிர்கொடுத்தும் பிறர்இடுக்கண் போக்குவல் என்னும் மேற்கோளுடையோரே
இவ்வுலகில் புகழ் வடிவில் நின்று நிலைப்பவர் ஆவர் என்றபடி.
 

     (இ - ள்.) ஊன் பயில் நரம்பின் யாத்த உருவமும் - இறைச்சி மெத்தி நரம்பாற்
கட்டப்பட்ட பருவுடலும், புகழும் - புகழ் என்னும் நுண்ணுடலும், என்று ஆங்கு - என்று
கூறப்பட்ட, இரண்டு யாக்கை ஒருவனது - இருவேறு உடல்கள் ஒரு மனிதனுக்கு உள்ளன,
அவற்றின் - அவ்விருவேறுடல்களுள் வைத்து ஒன்றாகிய, ஊழ்காத்து வந்து மருவிய
உருவம் - ஊழால் காவல் செய்துதரத் தோன்றிய ஊன்பயில் பருஉடல், இங்கே
மறைந்துபோம் - அது தோன்றிய ஊன்பயில் பருஉடல், இங்கே மறைந்துபோம் - அது
தோன்றிய இவ்வுலகத்திலேயே ஊழ்க்காவலற்ற கணமே அழிந்தொழிவதாம், மற்றயாக்கை -
இனி மற்றொன்றாகிய புகழுடம்போ எனில், திருவமர்ந்து உலகம் ஏத்த -