நீரில் வாழ்வனவாகிய வாளைமீன்கள், பூவின்வைகும் நீள்பரப்பு நண்ணினார் -
மலர்ப்படுக்கையிலே வதிகின்ற நீண்ட மருதநிலப் பகுதியை அடைந்தார்கள், (எ - று.)
முல்லை நிலத்தைக்கடந்து அதன் அயலதாகிய மருத நிலத்தை எய்தினர் என்க.

     முகில்கள் துளித்தலாலே முல்லை மலரும் முல்லைநிலங்கடந்து, மலர்ப்பள்ளியின்கண்
வாளை மீன்கள் வைகும் வளமுடைய மருத நிலத்தை எய்தினர் என்க. இதன்கண் குறிஞ்சி,
முல்லை, மருதம் மூன்று மயங்குதல் காண்க.
 

      இது முதல், 14 செய்யுள்கள் ஒரு தொடர்.

     (இ - ள்.) புது நாண் மலர் - புதுவதாய் அன்றலர்ந்த மலர்கள், விண்டு பொழிந்து
இழியும் - வாய்நெகிழ்ந்து பொழிதலாலே ஒழுகுகின்ற, மதுநாறு புனல் - தேன்கமழும்
நீர்மிக்க, மருதத்தினை - அம்மருத நிலத்தின்கண் உள்ள வளங்களை, இது காண் என -
இதனைக் காண்பாயாகவென்று திவிட்டனைக்காட்டி, இன்னன சொல்லினனே - இவை இவை
கூறினன், (அவன் யாரெனில்) விதுமாண்மிகு சோதி - திங்கள் மண்டிலத்தின் மாட்சிமை
மிக்க ஒளியை ஒத்து, விளங்கு ஒளியான் - திகழ்தலையுடைய வண்ணத் தானாய விசயன்,
(எ - று.)

     நாள் மலர் பொழியும் தேன் மணம் கமழ்கின்ற நீர் மிக்க மருதம் எய்தியவுடன்
விசயன் அதன் வளத்தைத் திவிட்டனுக்குக் காட்டிக் கூறுவான் ஆயினன் என்க.

     இனி வருவன மருதநில வளம் என்க.
 

     (இ - ள்.) அயல் ஓதம் இரட்ட - பக்கத்தே கடல் ஒலிப்ப, அலம்பு ஒலிநீர் வயல்
ஓதம் மயங்க - அலசுதலாலே எழும் ஒலியையுடைய நிர்நிறைந்த வயல் ஒலியும்
அவ்வொலியோடு பொருந்த, மயங்க அதிர்ந்து
 

     (பாடம்) 1. திணைமற். 2. விதிமாண். 3. யன்ன மெழாக்.