(இ - ள்.) மணித்தொழில் - மணிகளாற் செய்த தொழிற் சிறப்புடைய, வளைந்த
சூட்டின - வளைந்தவடிவமுடைய சூட்டினையும், மருப்பு அறுத்து இயற்றப்பட்ட -
யானைக்கோடுகளை அறுத்துக் கலைத்திறம் விளங்கச்செய்த, அணித்தொழில் ஆரக் கோவை
- தொழில் நுணுக்கமுடைய அழகிய மணிவடங்களையும் ஆடகம் கொடிஞ்சி -
பொன்னாலியன்ற கொடிஞ்சி களையும், அம் பொன்துணித்துச் சுடர்மணி இடைபதித்த
தட்டின் - அழகிய பொன் துண்டித்துச் சுடருடைய மணிகளையும் இடையிடையே
பதித்தியற்றிய தட்டுக்களையும், துரகம் - குதிரைகளையுமுடைய, திண்டேர் - திண்ணியவாய
தேர்கள், கணித்து அளப்பரிய நீர - இத்துணைய என எண்ணி அளவிடற் கியலாதபடி மிக்க
தன்மையை யுடையனவாய், கல்லெனக் கலந்த - ‘கல்‘ என ஒலித்துக் கூடின, (எ - று.)

     தட்டு தேர்த்தட்டு, கொடிஞ்சி தாமரைமுகை வடிவிற்றாய்ச் செய்து தட்டின்முன்
நடுவதாய ஓர் உறுப்பு, சூட்டு - சக்கரத்தைச் சூழஇடும் கட்டு, இது தேர் பண்ணுறுத்தமை
கூறிற்று.
 

      (இ - ள்.) தாள்மேல் ஒட்டிய கலிங்கம் திரைத்து உடுத்து - கால்களின் மேல்
ஒட்டப்பட்டதுபோல் பொருந்திய ஆடையைத் திரைத்துக்கட்டி, உருவம் கோடிப் பட்டிகை
பதைப்ப யாத்து - அழகிய விளிம்புகளையுடைய அரைக்கச்சினை அசையக் கட்டி,
பரட்டையம் நரலவீக்கி - பரட்டையம் என்னும் ஒட்டுச்சல்லடத்தை ஆரவாரிக்கும்படி கட்டி,
கட்டிய கழலர் - வீரக்கழலணிந்தவராய், தாரர் - பூமாலையணிந்தவராய், கதிரொடு
கனலும் வாளர் - ஒளி வீசிச் சினக்கும் வாள் ஏந்தியவராய், மட்டுயர் அலங்கல் சூடி, தேன்
மிக்க மாலைகளைப் புனைந்து, மறங்கிளர் மள்ளர் - வலிமைமிக்க போர்மறவர், சூழ்ந்தார் -
வந்து குழீஇயினர், (எ - று.)

     பரட்டையம் - தொடுதோல் என்பாருமுளர், கலிங்கந் திரைத்துடுத்து, பட்டிகை யாத்து,
பரட்டையம், நரலவீக்கி, கழலர், தாரர், வாளராய் மள்ளர் சூழ்ந்தார், என்க.
கோடிப்பட்டிகை - புதுப்பட்டிகையுமாம், பட்டிகை - அரைக் கச்சு
 

     (பாடம்) 1. கலங்கங்.