வாழைமரங்கள் மரகதக் கமுகு - மரகதமணியாலாகிய கமுகமரங்களோடு, ஓங்கி -
உயர்ந்து தோன்றவும், தோரணத் தூண்கள்தோறும் - தோரணங்கள் கட்டப்பட்ட
தூண்களிலெல்லாம், சுடர்மணி சிலம்ப - ஒளியுடைய கண்டாமணிகள் ஒலிக்கும்படி, நான்று
- தொங்கி, நீர் அணி நிழல்கொள் முத்தம் மணல் மிசை - நீரோட்டம் உடைய
ஒளிநிறைந்த முத்துக்களாகிய மணற் குவியலின்மேல், செம்பொன் பூரணக்குடங்கள் -
செம்பொன்னா லியன்ற பூரணக்குடங்கள், நிரந்துதோன்றி - வரிசையாகக் காணப்பட்டு,
கொழுங்கதிர் புதைந்த - தம் கொழுவிய கதிர்களிலே புதைந்தன, (எ - று.)

     (அவ்விமானத்தின் றளத்திலே பசும்பொன் வாழைகளும் மரகதக் கமுகுகளும்
நாட்டப்பட்டன; தூண்களிலே கண்டாமணிகள் கட்டப்பட்டுள்ளன; கீழே முத்துக்களை
மணலாகப் பரப்பிப் பொன்னாலாய பூரணகுடங்கள் வைக்கப்ட்டுள்ளன என்க.
 

      (இ - ள்.) கொழுந்திரள் வயிரக்கோடிக் கூர்முளை செறித்து - கொழுவிய திரண்ட
வயிரக்கல்லை இறுதியில் உடையவாகிய, கூரிய குடுமிகளைச் சேர்த்து, செம்பொன்
செழுந்திரள் புடகம் சேர்ந்த - செம்பொன்னால் இயற்றப்பட்ட செழித்துத் திரண்ட தாமரை
முகைகள் பதிக்கப்பட்ட, கபாடவாயில் - கதவுகளையுடைய வாயில்களில், மணிகள் எல்லாம்
- அடித்தொலிக்கும் மணிகள் எல்லாம், பொழிந்த தண் கதிரவாகி - குளிர்ந்த ஒளியை
வீசுவனவாய், பொலந்தொடர் - பொற்சங்கிலியில், புலம்பத் தூங்கி - சில பொழுது
தம்மொலியினின்றும் பிரிந்து தனித்துத்தூங்கியும், எழுந்தொலி சிலம்ப விம்மி - சில
பொழுது எழுந்து ஒலிமிக ஆரவாரித்தும், இணர்கொண்ட - கொத்துக் கொத்தாய்த்
தொங்கின, (எ - று.)

     கதவுகள் இயங்கும்போது முழங்கியும் இயங்காதபோது புலம்பியும் இருந்தன என்க.
இதன்கண் மணிகள் தூங்கியும் எழுந்தும் இணர் கொண்டன என்னும் அழகை உணர்க.
கூர்முளை - கதவுகளின் முனை. அவை தேய்ந்திடாதிருத்தற் பொருட்டு முனையில்
வயிரக்கல் பொருத்தப்பட்ட வென்க.