(இ - ள்.) அயல எல்லாம் - அவ்வுள்ளிடத்தின் பக்கங்களில் அமைந்தவை எல்லாம்,
பாடகம் இலங்க - பாடகம் என்னும் காலணி திகழ, செங்கேழ் - சிவந்த நிறமுடைய, சீறடி -
சிறிய அடிகளையும், பரவை அல்குல் - பரந்த அல்குற்றடத்தையும் உடைய, நாடக மகளிர்
- கூத்தியன் மடந்தையர், ஆடும் நாடக அரங்கும் - ஆடுதற்கிடமாகிய கூத்தாட்டரங்கும்,
மாடு அகம் தெளிப்ப நன் பொன்வேய்ந்த - பக்கங்களும் உள்ளிடமும் விளக்கமுறும்படி
நல்ல பொன்னால் வேயப்பட்ட, மண்டபத்தலமும் - மண்டபமாகிய இடங்களும், வண்ணம்
ஆடகம் அணிந்த கூடநிலைகளும் - நிறமுடைய பொன்னால் அழகுறுத்திய
அறையிடங்களுமே யாகும், (எ - று.)

     அவ் விமானத்துள் நாடக அரங்கும், மண்டபங்களும், கூடங்களும் உள்ளன என்க.
 

      (இ - ள்.) மரகத மணிகள் ஈன்ற கதிர் எனும் தளிர்கள் வார்ந்து - மரகதம் என்னும்
மணிகள் வீசும்சுடர் ஆகிய இளந்தளிர்கள் நீண்டு, சொரி கதிர் வயிரம் கான்ற சுடர் எனும்
கொழுந்து தோன்றி - மிக்கு ஒளிர்கின்ற வயிரம் என்னும் மணி வீசிய கதிராகிய
கொழுந்துவிட்டு, புரிகதிர்முத்தம் என்னும் புதுநகை அரும்பு பம்பி - புதுமை திகழகின்ற
சுடருடைய முத்தென்னும் மணியாகிய விளங்கும் அரும்புகள் முகிழ்த்து, விரிகதிர்ச்
செம்பொன்பூத்து - விரிந்த ஒளியையுடைய செம்பொன்னாகிய மலர் விரிந்து,
விண்அணங்குறுப்ப வீங்கி-விசும்பை வருத்துவது போலப் பருத்து, (எ - று.)

     அவ்விமானத்தை ஒரு கற்பக மரமாக உருவகிக்கின்றார். மரகத மணிகளின்
கதிர்களாகிய இளந்தளிர்களும், வயிரமணிகளின் சுடராகிய கொழுந்துகளும்,
முத்தொளியாகிய அரும்புகளும், பொன்னொலியாகிய மலரும் உடையதாய், விசும்பில்
விரிந்து. (முடிவு அடுத்த செய்யுளிற் காண்க.)
 

     (பாடம்) 1. விதி தகு.