| (இ - ள்.) முரசம் ஆர்த்தன - முரசுகள் ஆரவாரித்தன, முரிவளை -
அரிந்துமுரித்த சங்குகள், முரன்றன - ஒலித்தன, முகிலிடை வயிர்ஏங்க - மேகங்களின்
இடையே கொம்புகள் முழங்காநிற்ப, அரியொடு ஆகுளி - மருதப்பறையுடனே சிறுபறை,
ஆலித்த - முழங்கின, அணிமுழவு அதிர்ந்தன - அழகிய மத்தளங்கள் முழங்கின,
அருகெல்லாம் - பக்கங்களில் எங்கும், விரை செல் மாவொடு - விரைந்து செல்லும்
இயல்பினவாகிய குதிரை களுடனே, களிறுகள் விரவின - யானைகள் கலந்தன, கடுமான்தேர்
- கடுகிச்செல்லும் குதிரைகளையுடைய தேர்கள், மிடைந்தன - நெருங்கின, அரசனும் -
இவற்றிடையே சடிமன்னனும், புரசை யானையின் எருத்திடை - கழுத்திடுகயிற்றையுடைய
யானையினது பிடரின்கண் வீற்றிருந்து, புகழொடு பொலிவுற்றான் - சான்றோர்தம்
புகழுரையோடு திகழ்ந்து தோன்றினான்,
(எ - று,)
ஆகுளி - சிறுபறை. அவ்வழி, முரசம் முதலியன முழங்கின. மாவும் களிறும்
நெருங்கின, சடியரசன் யானையின் எருத்திடைப் புகழோடு விளங்கினன், என்க.
|