கோதாய்! வானத்தி லியங்குதலைக் குறிக் கொள்ளாத சில தேர்வலவர், பளிங்குச்
சிகரங்கள் தம்முன்னர் உள்ளமை அறிகிலாது, அவற்றிடைத் தம் தேரைச் செலுத்தி,
வழியன்மையால், மீளவும் அத்தேர்களைத் திருப்பிச் சுழலும் வகை ஓட்டுதலைக் காண்
என்றாள் என்க.
 

      (இ - ள்.) எடுத்த மாருதம் எறிதலின் நெகிழ்ந்தன - விரைதலை மேற்கொண்ட
காற்று மோதியடித்தலாலே கட்டவிழ்ந்து தளர்ந்தனவாகிய, இணரோடும் தொடுத்த சிகழிகை
- கொத்துக் கொத்தாய் வைத்துக்கட்டிய கொண்டைப்பூச்செண்டும், துணர்கொளப் புனைவன
மாலைகள் - கொத்துக் களை வரிசையில் வைத்துப் புனைந்த மலர்மாலைகளும், இடைதுகில்
- இடையில் உடுத்த மென்றுகில்களும், புடைசோர - இடங்களினின்றும் நழுவி வீழ்ந்துவிட,
உடுத்த காஞ்சியின் ஒளிமணிக் கதிர்நகைப் பட்டங்கள் உடையாக - திண்ணிதின்
உடுத்தப்பட்ட கோவைமணி அணியாகிய காஞ்சி முதலிய அணிகலன்களே
ஆடையாகக்கொண்டு, அடுத்து - மகளிர் கூட்டத்தை அடுத்து, வீழும் - நாணத்தால்
அம்மகளிருள் வீழ்கின்ற, ஓர் அணியிழை - அழகிய அணிகலனுடையாள் ஒருத்தி,
படுகின்றது அது காணாய் -படுகின்ற அலமரலாகிய அதனுள் காண்க! (எ - று)

     காஞ்சி - ஆடைக்குள் அணியும் ஓரணிகலம். பெருங்காற்று வீசுதலாலே ஒருத்தி
அணிந்திருந்த மலர்மாலைகளும் துகிலும் நழுவி விழுந்துவிட்டனவாக, காஞ்சி என்னும்
மணியணிகலனே ஆடையாக, தன் மருங்கு நிற்கும் மகளிர் குழாத்துள்ளே நாணி
வீழ்வாளின், அலமரலைக் காண் என்றாள், என்க.
 

     (பாடம்) 1. மாலையள் 2. வகுத்த 3. நகைப் படங்கள் உடையாக.