விட்டது - தங்கியது. சடிமன்னன் படை அவன் அரண்மனையைச் சூழ்ந்து தங்கிற்று;
ஏனைமன்னர் அப்பொழிலின்புறத்தே தத்தமக்கு விருப்பமுள்ள இடங்களிலே தங்கினர்
என்க.
 

      (இ - ள்.) கன்னி மூதெயில் சூழ் கடி காவினுள் - அழிவில்லாத பழைதாகிய
மதிலாற் சூழப்பட்ட மணமிக்க - அப்பூம்பொழிலின்கண், கன்னி தாதை கண் ஆர்நகர்
இஞ்சியுள் - சுயம்பிரபையின் தந்தையாகிய சடிமன்னனுடைய இடமகன்ற அரண்மனை
மதிலின் அகத்தே, கன்னிமார் பலர் காக்கும் கடையது - கன்னியராகிய காவல் மகளிர்
பலரால் பாதுகாத்தலையுடைய தலைவாயிலையுடைத்தாகிய, ஓர் கன்னிமாநகர் - ஒரு
கன்னிமாடம், கன்னிக்கு இயற்றினார் - சுயம்பிரபைக்கு இயற்றினார்கள், (எ - று.)

கன்னிமூதெயில் என்றார் ஒருவராலும் ஒருகாலத்தும் தாக்கப்படாத பழைய
திண்மதிலென்றற்கு. அம் மதிலினூடே, கன்னிக்குக் கன்னிமாடம் கண்டனர், என்க.
 

     (இ - ள்.) தன் மன்னன் ஆர் அருளான் - தன் தந்தையாகிய சடிமன்னனது
பெறற்கரிய அருள்பெற்று, பொன் அனார் பலர்போற்ற - திருமகளை ஒத்த மகளிர் பலர் போற்றெடுப்ப, மின்னின் ஆர்ந்த விமான தலத்திடை இழிந்து - மின்னல்போன்ற
ஒளியுடைய விமானத்தை விட்டிறங்கி, தன்மணி மாளிகைக் கன்னிமாநகர் -
தனக்கென்றியற்றிய மணிகள் இழைத்த மாளிகையாகிய அக்கன்னிமாடத்தை, கன்னி
எய்தினள் - சுயம்பிரபை அடைந்தாள், (எ - று.)

     சடிமன்னனின் அருளோடே சுயம்பிரபை விமானத்திழிந்து அக் கன்னிமாடத்தை
எய்தினள் என்க.