| (இ - ள்.) அடுகடாம் - (நம் யானைகளுள் வைத்து) கொல்லும் இயல்புடைய
களிறுகளும், ஆவிநாறும் - மணங்கமழா நின்ற, அழிமதம் - மிக்க மதம்பொழியும்
இயல்புடைய, கருவி வீழத் தொடுகடா - தம்மேலிட்ட கருவிகள் வீழும்படி கையாற்
றொட்டுச் சிதைக்குமியல்புடைய களிறுகளும்; வயிரத் தோட்டியுடையன - வயிரத்
தோட்டியான் மட்டும் அடக்கப்படும் இயல்புடைய களிறுகளும், தொடர்கள் ஊன்ற -
காலிலே சங்கிலிகளை யாத்தற்கு, விடுகொடா - விட்டுக் கொடாத இயல்புடையனவும்,
வியாளம் நிற்ப - நமது பட்டத்து யானையும் ஒழிய; வன்பணிகள் - வலிய செயல்களையும்,
மெல்லச் செய்யும் - அமைதியாகச் செய்யும் இயல்புடைய, படுகடாக்களிறும் - மதம்படு
களிற்றியானைகளை (த் தேர்ந்துகொண்டு அவற்றை)யும், தேரும் புரவியும் - (அங்ஙனமே
சிறந்த) தேர்களையும் குதிரைகளையும் ; பண்ணு கென்றான் - ஒப்பனை செய்க என்று
பணித்தான், (எ - று.)
சடிமன்னன் முதலியோரை எதிர்கொண்டழைக்கச் செல்வனவாகலின், சீலமற்ற
களிறுகளை ஒழித்துச் சீலமுடைய களிறுகளையே பண்ணுறுத்துக என்றான் என்க. வியாளம் -
பயாபதியின் பட்டத்து யானையின் பெயர். இதனைப் பின்னர்த் தான் புறப்படும்போது
பண்ணுறுத்தல் வேண்டும் என்னும் கருத்தால் வியாளம் நிற்ப என்றான்.
களிற்றிற்குக் கூறியவிதனால் தேரும் புரவியும் சிறந்தவற்றையே ஆராய்ந்து
பண்ணுறுத்துக என்றான் என்றும் கொள்க. |