| அவையிற்றின்மேல், வீங்கிய சுடரவாய பிடைமணிக் கலன்கள் - மிக்க
ஒளியுடையனவாகிய மணிகள் செறிந்த அணிகலன்களை, விஞ்சை நீங்கருந் திறலினான்றன்
நெடுநகர் - வித்தையகலாத ஆற்றலுடைய சடியின்பாடி அரண்மனையகத்தே, நிறைக்க
என்றான் - நிறைத்து வைக்கக்கடவாய் என்று பணித்தான், (எ - று.)
பஞ்சும் பட்டும், அல்லாத மயிர் முதலியவற்றாலாய கம்பளங்கள் முதலியவற்றையும்
இனம்பற்றித் துகில் என்றான் ; இனி துகில் - வெண் பட்டெனினுமாம், விஞ்சை - வித்தை.
விஞ்சையன் - விச்சாதர மன்னன்
எனினுமாம்.
|
| (இ - ள்.) பொன் அணிகலத்தின் குப்பை - பொன்னாலியன்ற அணிகலன்களின்
குவியல்களும், புரிமணிக் கோவைப் போர்வை - நூலையுடைய மணி கோக்கப்பட்ட
போர்வைகளும், மன்னிய வயிரக் குன்றம் - நிலைபெற்ற வயிரமணி மலைகளும், வலம்புரி
மணியின் கோவை - வலம்புரிச் சங்கீன்ற முத்துவடங்களும், பின்னிய பவழவல்லிப்
பிறங்கலோடு - பின்னி வளரும் இயல்புடைய பவழக்கொடியின் குவியலும், ஏனைய எல்லாம்
- ஒன்பான் மணிகளுள் கூறப்படாதொழிந்தனவும், கொல் நவில் வேலினான்றன்
கோயின்முன் - கொலைத்தொழில் வல்ல வேல் ஏந்தும் விஞ்சை வேந்தன்
அரண்மனையின்கண், குவிக்க என்றான் - குவிக்கக் கடவாய் என்றான், வயிரக்குன்றம் -
வயிரமணிகளாற் குவிக்கப்பட்ட குன்றம்போன்ற குவியல், (எ - று.)
வயிரக்குன்றம் - வயிரமணிகளாற் குவிக்கப்பட்ட குன்றம் போன்ற குவியல். அணிகலக் குப்பை, மணிக்கோவை, போர்வை, வயிரக்குப்பை, முத்துக் கோவை, பவழக் குவியல், ஆகிய எல்லாம் சடியின் இருக்கையில் குவிக்கக் கடவீர் என்றான், என்க.
|