| ஆள்கின்ற பெருமையுடையோனே, ஏங்குநீர் அமிர்தின் தீர்த்தம் சென்றனர்
தெளித்தல் அன்றே - ஒலிக்கின்ற நீராகிய அமிழ்தை ஒத்த தீர்த்தம் பெற்றுடையோர்
அதனைத் தெளிக்கப்படும் மரபினையுடையார்பால் தாமே வலிந்து சென்று தெளித்தல்
அல்லவோ, ஓங்குநீர் உலகந்தன்னுள் - மிக்க நீரையுடைய உலகத்தின்கண், உயர்ந்தவர்க்கு
உரியது என்றான் - சான்றோர்களுக்கு உரியதொரு பண்பாகும் என்று கூறினான், (எ - று.)
உயரிய தீர்த்தத்தைத் தவமுண்மையாற் பெற்ற சான்றோர் அதனை வலியச் சென்று
அயலார்மேற் றெளித்து அவரை உய்யக்கோடல் சான்றோர்க்குரிய பண்பென்றான் என்க.
தீர்த்தம் - கடவுட்டன்மையுடைய நீர்; ஈண்டுத் தன்மகள் சுயம்பிரபையைத் தீர்த்தம்
என்றான் என்க,
|
| (இ - ள்.) பொருதற்கண் அரிய வேலோய் - போர் ஆற்றுமிடத்தே பகைவரால்
வெல்லுதற்கரிய வேற்படையுடையோனே, வருதற்கு முதலும் - யான் இங்கு வருவதற்குரிய
காாரணமும், முன்பே - முன்னரே, மருசிவந்து உணர்த்தக் கேட்டாய் - மரீசி என்னும்
தூதுவன் வந்து கூறக்கேட்டனை, மேலும்; புராண நூற்புலவர் எல்லோரும், கருதற்கண்
அரிய கண்ணி - ஆராயுமிடத்தே பெறற்கரியளாக விளங்கும் சிறந்த கண்களையுடைய
சுயம்பிரபை, கடல்வண்ணற்கு உரியள்என்ன - கடல் போன்ற நீனிறவண்ணனாகிய
திவிட்டநம்பிக்கே கிழத்தியாம் உரிமையுடையாள் என்று கூறினர்; ஆதலாலே, தருதற்கு
மகிழ்ந்து வந்தேன் - அத் திவிட்ட நம்பிக்குரிய பொருளாகிய சுயம்பிரபையை அவனுக்கே
அளிக்கும் பொருட்டு மிக்க மகிழ்ச்சியோடு இங்கு வந்தேன், தாழம் ஈங்கு ஒழிக என்றான் -
ஆதலால் நீ காலந்தாழ்த்தலைச் செய்யாதொழிக என்று கூறினான், (எ - று.)
முதல் காரணம். தாழம் ஒழிக - உயர்வு தாழ்வு கருதி உள்ளம் தாழ்ச்சியுறுதலை நீ தவிர்க்க
என்றான் எனினும் ஆம். தாழம்பட்ட ஓசை, குறைந்த ஓசை என்பவாகலின், தாழம் -
குறைதல் ஆயிற்று.
|