(இ - ள்.) அன்னணம் அரசர் பேசியிருந்தபின் - அவ்வாறு சடி, பயாபதி வேந்தர்கள்தம்முள் அளவளாய்ப் பேசியிருந்த பின்னர், மணிவரையரசன் - அழகிய மலையரசனாகிய
சடிமன்னன், மன்னவ குமரர்தம்மை - அரசமக்களாகிய விசயதிவிட்டர்களை நீவிர்,
அருக்கனோடும் - அருக்க கீர்த்தியோடு, பொன்னணி புரிசைவேலிப் புதுநகர் புகுக என்று -
பொன்னால் அழகு செய்யப்பட்ட மதில்களை வேலியாகவுடைய - புத்தழகு மாறாத போதன
நகரத்தே செல்வீராக என்று, ஏவ - ஏவுதலாலே, பின் அவர் வேழம் ஏறிப் பெயர்ந்தனர்
போதுகின்றார் - பின்னர் அம்மூவரும் யானைகளிலே ஏறிச்செல்வாராயினர், (எ - று.)

     அவ்வாறு சடிமன்னனும் பயாபதி மன்னனும் அளவளாவிய பின்னர்ச் சடிமன்னன்,
விசயதிவிட்டர்களை அருக்ககீர்த்தியோடே நகர்க்குப் போக எனலும் அம்மூவரும்
யானையேறிப் போகா நின்றனர், என்க.
 

     (இ - ள்.) ஆயிடை - அப்பொழுது, அரசசீயம் அனையவர் - அரசசிங்கங்களை ஒத்த
அம்மூவரும், பெயரும் போழ்தின் - செல்லும்பொழுது, வேயுடை அருவிச்சாரல் - மூங்கிற்காடுகளையுடைய அருவிபாயும் தாழ்வரை பொருந்திய, வெள்ளிவேய் விலங்கல் நாடன் -
வெள்ளியால் மூடப்பட்டாற்போன்று விளங்குகின்ற இமயமலைக் கண்ணவாகிய நாடுகளுக்கு
அரசனும், தீயுடைய இலங்குவேலான் - தீக்கான்று ஒளிரும் வேலுடையானும் ஆகிய
சடிமன்னனின், திருமகள் - செல்வமகளும், அமிர்து - பெறற்கரிய அமிழ்தத்தை ஒத்தவளும்,
இன் சாயல் - இனிய தோற்றத்தையுடையவளும் ஆகிய சுயம்பிரபை, வீ உடை அலங்கல்
ஞான்ற மணிமிடை விமானஞ் சேர்ந்தாள் -

     (பாடம்) 1. யலங்க. 2. ஞான்ற.