(இ - ள்.) ஆயத்துள் அலர்கொம்பு அன்னாள் - அம்மகளிர் கூட்டத்துள் வைத்துப் பூத்த
மலர்க்கொம்பை ஒத்தவளாகிய, அமிர்தமா பிரபை என்ற - அமிர்தபிரபை என்று பெயர்
கூறப்படுகின்ற, வேய்ஒத்த பணைமென்றோளி - மூங்கிலை ஒத்த பரிய
தோள்களையுடையாள், மணிமிடை கபாடம் நீக்கி - மணிகள் செறிந்த கதவுகளைத் திறந்து,
நங்கை - சுயம்பிரபாய், வாயிற் கண் வருக - ஈண்டு வாயிலிடத்தே வருவாயாக, வளநகர்
காண்க - வளம் மிக்க இந்நகரத்தின் எழிலைக் காண்பாயாக!, என்று - என்றுகூறி அழைத்து,
கோயிற்கண் அருகுசெல்லும் - தம்கன்னிமாடத்தின் அண்மையிற் செல்கின்ற, குமரரைக்
காட்டினாள் - விசய திவிட்டர்களைச் சுயம்பிரபைக்குக் காட்டுவாளாயினாள், (எ - று.)

அமிர்தபிரபை சுயம்பிரபையை அழைத்துக் கபாடம்நீக்கி, வாயிற்கண் வருக என்று
குமரரைக் காட்டினள் என்க.
 

     (இ - ள்.) கண்அதிர் முரசும் சங்கும் - கண்ணிடத்தே அதிர்தலையுடைய முரசும்
சங்குகளும், விண் அதிர்த்தனைய ஆகி - விசும்பை அதிரச்செய்வன போன்று ஆகி,
திசைமுகம் சிலம்ப வீங்கி -திக்குகளில் எல்லாம் ஒளியுண்டாகப் பெருகி, கடல் பெயர்
முழக்கம் ஆக - கடல் கொதித்தெழுந்து ஆரவாரிப்பது போல்
ஆரவாரிப்புடையனவாகுமாறு, மண் அதிர்கொள்ள - நிலம் அதிரும்படி, செல்லும்
மைந்தர்கள் யார்கொல் என்னும் ஈண்டுச்செல்கின்ற இவ்விளைஞர்கள் யாவர்கொலோ என்று
ஐயுறுதலால், எண்ணதிர் மனத்தினாட்கு - எண்ணம் பிறழ்தலுடைய மனத்தோடுநின்ற
சுயம்பிரபைக்கு, தோழி - அமிர்தபிரபை, இதனைச் சொன்னாள் - பின்வருமாறு
சொன்னாள், (எ - று.)

கதவைத் திறந்து குமரர் செல்லுதலைக் காட்டியவுடன், இத்துணை ஆரவாரத்துடனே
செல்லும் இவர்கள் தாம் யாவரோ ! என்று அறிய அவாவும் சுயம்பிரபைக்கு, அமிர்தபிரபை
பின்வருமாறு கூறினள் என்க.
 

     (பாடம்) 1. மனத் தளாகித் தோழிதானிதனை.