தோன்றிப் புலம் கொண்டது - விளக்கமுடைய தன்முகத்தே புதுவதொரு நகைதோன்றிப்
புறத்தார்க்குப் புலனாந்தன்மை எய்திற்று, அதனைக்காப்பான் - அந்நகையை அயலார்
அறியா வண்ணம் காக்கும் பொருட்டு, பூவொன்று நெரித்துமோந்தாள் -
ஆண்டயலிற்கிடந்ததொரு மலரை விரல்களால் நெகிழ்த்து மோப்பாளாய் அந்நகையை
மறைத்தாள், (எ - று.)

அம்மகளிர் அடைந்து வலங்கொண்டு வணங்கியபொழுது, இவர்கள் எம்பெருமானின் ஏவன்
மகளிர் என்று எழுந்த எண்ணத்தாலே, தன்முகத்தே புதிய ஒளியாகிய மெய்ப்பாடு
தோன்றப், புறத்தே கிடந்த பூவினை மோப்பாளாய் அதனைப் பிறர் காணாதபடி மறைத்தாள்
என்க.
 

     (இ - ள்..) விண் விளக்குறுக்கும் திங்கள் சுடர்நுதல் - விசும்பை
விளக்கம் செய்யும் திங்களைஒத்த ஒளிபொருந்திய நெற்றியினது, விளக்கினாலும் -
ஒளியினாலும், பெண் விளக்குறுக்கும் மேனி பெருகிய ஒளியினாலும் - பெண்மையைப்
பெரிதும் சிறக்கச்செய்யும் தன் திருமேனியினின்றும் மிக்குத்தோன்றும் ஒளியினாலும்
தன்பேரழகை, பண் விளக்குறுக்கும் இன்சொற் பாவை - பண்போன்ற இன்பத்தை
விளைக்கும் இனிய சொல்லையுடைய சுயம்பிரபை, அப்பாவைமாரை - அம்மகளிருடைய,
கண் விளக்குறுக்கும் ஆற்றால் - கண்ணைக் கூசச்செய்யுமாற்றால், காண்ட லுக்கு அரியள்
ஆனாள் - அவர் காண்பதற்கு அரியளாயிருந்தாள், (எ - று.)

கண் விளக்குறுத்தல் - கண் கூசச்செய்தல். நுதலின் ஒளியாலும், மேனி ஒளியாலும், பாவை
அவர் காண்டற்கு அரியளானாள் என்க.
 

     (இ - ள்.) செஞ்சிலம்பு ஒலிக்கும் செல்வச்சீறடி - செவ்விய சிலம்பு ஆரவாரிக்கும்
செல்வமிக்க சிறிய அடிகளையுடைய, தெய்வப்பாவை - தெய்வமகள் ஆகிய சுயம்பிரபை,
பஞ்சு இலங்கு அணையின் மேலாள் -

     (பாடம்) 1. மாதோ. 2. வாளின்.