(இ - ள்.) ஆங்கு அவள் மொழிந்த போழ்தின் - அவ்வாறு அமிர்த பிரபை
கூறியவுடனே, அணங்கினை வணங்கி - அம் மாதவசேனை சுயம்பிரபையைத் தொழுது,
மற்று அத்தீங்கனி அமிர்தம் அன்ன திருமொழிப் பண்ணிகாரம் - நுங்கள் விடையாகிய
இனிய கற்பகக்கனியையும் அமிழ்தத்தையும் ஒத்த இனிமையுடைய திருமொழியென்னும்
தின்பண்டத்தை, வாங்குநீர் உலகம் காக்கும் மன்னவன் பட்டத்தேவி - வளைந்த கடலாற்
சூழப்பட்ட உலகத்தைக் காவல் செய்கின்ற பயாபதி மன்னனின் கோப்பெருந்தேவியாகிய,
ஓங்கிருங்கற்பினாளுக்கு உய்ப்பன் - புகழால் ஓங்குதலுடைய பெரிய கற்புத்திறம்பூண்ட
நும்மாமியாரடிகள்பால் சேர்த்துவன், என்று உணர்த்திப்போனாள் - என்று அறிவித்துப்
போவாளாயினள், (எ - று.)

அமிர்தபிரபையின் சொற்றிறத்தை உயர்ந்த மாதவசேனை அச்சொல்லை “தீங்கனி யமிர்தம்
அன்ன திருமொழிப் பண்ணிகாரம்Ó என்று போற்றும் அழகு பெரிதும் சுவை யுடைத்தாதல்காண்க.
 

     (இ - ள்.) பளிங்கு இயல் பலகை தன்மேல் - பளிங்காலியன்ற பலகையின்கண், தான்
முன் தெளிந்தவாறு - மாதவசேனை முன்னர்த் தன் உள்ளக்கிழியில் தெளிந்து
எழுதியவாறே, எழுதிக்கொண்டு - பொறித்து, செந்துகில் உறையின் மூடி -
அவ்வோவியத்தைச் செம்மை நிறமான துகிலாலாய உறையுட் செறித்துமூடி எடுத்துக்கொண்டு,
வளந்தரு கோயின் முன்னி - வளம்பொருந்திய அரண்மனையை எய்தி, அளந்து அறிவரிய
கற்பின் அமிர்தனாள் - கணித்தறிய வொண்ணாப் புகழுடைக் கற்புடையாளும், அமிழ்தம்
போன்ற குணநலம் உடையவளும், மணிவண்ணற் பயந்த தேவி - திவிட்ட நம்பியை ஈன்ற
கோப்பெருந்தேவியும் ஆகிய சசிதேவியின், அருகுசேர்ந்தாள் - பக்கத்தை அடைந்தாள், (எ
- று.)ள் மனத்தள் ஆனாள் - மிகுந்த காம மயக்கமுடைய நெஞ்சுடையவளாயினள், (எ -
று.).