மாதவ சேனையைத் தேவி மகிழ்ந்து அணிகலம் ஈந்து, பாவையை யாம் காண்டும் என்றாள்
என்க.
 

     (இ - ள்.) மணி தெளித்து அமைக்கப்பட்ட வண்ணமே வண்ணமாக - ஒன்பது
வகையாகிய மணிகளின் பல்வேறு வகையாய நிறங்களை ஆராய்ந்து தெளிந்து
அம்மணிகளின் நிறங்களே அவ்வோவியத்திற்கும் நிறமாக அமையுமாறு, துணியமுன் கலந்து
- பொருந்துமாற்றால் வண்ணங்களை முன்னர்க் கூட்டிக்கொண்டு, செய்த துகிலிகைத்
தொழில்கள் நோக்கி - செய்யப்பட்ட தூரியக்கோல்களின் நுணுகிய தொழிற்றிறங்களை
ஆராய்ந்து உணர்ந்து, கணிநலம் கருதலாகா இக்கண்கவர் சோதி - ஆராய்ச்சிவன்மையாகிய
நலத்தால் ஆராய்ந்து காண்டற்கரிதாகிய கண்ணைக் கவர்கின்ற இவ்வொளிப் பிழம்புதான்,
அணியினது ஒளிகளோ - சுயம்பிரபையின் அணிகலன்களால் ஆய ஒளிகளோ அல்லது,
அணங்கினது உருவமோ - சுயம்பிரபையின் திருமேனியின் இயற்கை யொளியோ, என்றாள்
என்று வியந்தாள், (எ - று.)

மணிகளின் ஒளிபோன்ற வண்ணந்தீட்டப் பெற்ற சோதி மிக்க அவ்வோவிய வுருவைக்
கண்ட தேவி, வியந்து இவ் வொளி, நங்கைக்கு அணிகளானியன்ற வொளியோ அவள்
மேனியின் இயற்கை ஒளியோ! என்று, வியந்தாள் என்க.
 

     (பாடம்) 1. கருமை யானுங். 2. னானுந்.