மாதவசேனை, தொழுது, போகி, வாயில் நண்ணி, இசைத்துப்புக்கு, கைகூப்ப, ஏற்று
நீவந்தது? என்ன, இற்றெனச் சொன்னாள், என்க.
 

     (இ - ள்.) உலகின் மிக்க அருங்கலம் - உலகத்தே பெறலரும் பெருஞ்செல்வமாகிய
முடிக்கலங்கள், அரசர்க்கே உரிய அன்றி - மன்னர்களுக்கே உரிமையுடையன ஆதலன்றி,
பெருங்கலம் உடையரேனும் - மிகுந்த செல்வமுடையராயினும், பிறர்க்கு - அரசரல்லாத
மற்றோர்க்கு, அவை பேணல் ஆகா - அவ் வருங்கலங்கள் விரும்புதற்கு உரியன
ஆகமாட்டா, இருங்கலி முழவுத் தோளாய் - பெரிய ஓசையையுடைய மத்தளம் போன்ற
தோள்களையுடைய நம்பியே!, எரிமணிப் பலகைமேல் ஓர் நெருங்கொளியுருவம் கொண்டு -
சுடர்மணிப் பளிக்குப் பலகையின்கண் எழுதப்பட்ட ஒளிசெறிந்த ஓவிய உருவம் (ஆகிய
அருங்கலம்) ஒன்றைக் கைக்கொண்டு நின்னை யான் நினைந்து - இவ்
வருங்கலத்திற்குரியார் யாரென ஆராய்ந்து நீயே உரியை யாவை என எண்ணி, வந்தேன் -
அதனைக் கொண்டுவந்துள்ளேன், (எ - று.)
உயரிய முடிக்கலன் அரசர்க்கே உரிய ஆகலால் தோளாய்! இப்பலகையில் ஓர் ஒளி
உருவமாகிய அருங்கலம் கொண்டு, உன்னை நினைந்து வந்தேன், என்றாள் என்க.
 

     (பாடம்) 1. பேச. 2. வருங்கலி.